Азаранка не паедзе на турнір у Канаду, ёй не далі візу
Беларуская тэнісістка Вікторыя Азаранка прапусціць турнір у Таронта праз праблемы з візай. Пра гэта спартсменка напісала ў сябе ў твітары.
Вікторыя Азаранка. Фота: AP Photo/Carolyn Kaster
«На жаль, мне давядзецца зняцца з турніру ў Таронта, бо мая заява на атрыманне канадскай візы не было ўхваленая. Я вельмі расчараваная. Вельмі сумна прапускаць адзін з маіх любімых турніраў», — напісала Азаранка.
Раней вырашылі не дапускаць да ўдзелу ў турніры расійскіх і беларускіх спартсменаў арганізатары Уімблдонскага турніра ў Вялікабрытаніі. Але Асацыяцыя тэнісістаў-прафесіяналаў (ATP) і Жаночая тэнісная асацыяцыя (WTA) гэты крок не падтрымалі. Як гаварылася ў заяве ATP, магчымасць гульцоў любой нацыянальнасці ўдзельнічаць у турнірах пад эгідай Асацыяцыі — фундаментальнае правіла.
