Зянковіч прызнаў віну па ўсіх пунктах абвінавачвання і выбачыўся перад астатнімі затрыманымі
Юрый Зянковіч заявіў у судзе, што прызнае віну па ўсіх пунктах прад'яўленага яму абвінавачвання, паведаміў «Спутнік».
Фота: «Спутнік»
«З-за таго, што я дрэнна зрабіў сваю справу, чацвёра маіх сяброў трапілі за краты, і я хацеў бы папрасіць у іх прабачэння», — сказаў ён.
Ён заявіў суду, што прызнае віну ўсіх пунктах прад'яўленага абвінавачання.
На пытанне пракурора аб тым, ці прызнае ён сябе арганізатарам змовы, Зянковіч адказаў: «Не аспрэчваю».
Даючы паказанні па сутнасці прад'яўленага абвінавачвання, Зянковіч таксама звярнуў увагі суда на заканадаўства ЗША. Паводле яго слоў, усе відэа, якія ёсць у матэрыялах справы, ствараліся на тэрыторыі ЗША, а ў заканадаўстве гэтай краіны няма пакарання за стварэнне такога відэа.
Раней стала вядома, што Зянковіч заключыў здзелку са следствам. Такім чынам ён стаў адзіным з абвінавачаных, якія пайшлі на такую здзелку.
Да гэтага аб прызнанні віны заявілі Аляксандр Фядута, Вольга Галубовіч і Дзяніс Краўчук па сваіх пунктах абвінавачвання. Лідар БНФ Рыгор Кастусёў не пагадзіўся з абвінавачваннем ні па адным пункце.
Суд па справе «дзяржперавароту» пачаўся 29 ліпеня.
Чытайце таксама:
«Справа змоўшчыкаў»: падрабязнасці сустрэчы Зянковіча і «сілавіка» ў рэстаране
Фядута худы, Кастусёў моцна хворы, а Зянковіч змрочны. З'явіліся першыя відэа і фота з суда
