Служыцель мінскай царквы «Гефсіманія» затрыманы па «крымінальным» артыкуле
Служыцель мінскай царквы хрысціян евангельскай веры «Гефсіманія» Максім Стасілевіч узяты пад варту як абвінавачаны па ч. 1 арт. 342 («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»).
Пра гэта паведаміла яго сястра Вольга Барысік у Фэйсбуку. Стасілевіч знаходзіцца ў СІЗА-1 на Валадарскага, паведамляе тэлеграм-канал «Хрысціянская візія».
Максім быў затрыманы разам са сваім шваграм Яўгенам Барысікам 21 ліпеня. На наступны дзень яны атрымалі па 10 сутак арышту кожны: Максім па ч.2. 19.11 КаАП за перапост навіны з тэлеграм-канала, прызнанага экстрэмісцкім. Для гэтага сілавікі ўзламалі Тэлеграм верніка.
Яўген свае 10 сутак арышту атрымаў за дробнае хуліганства (арт. 19.1) — ён нібыта ў кабінеце 416 Маскоўскага РУУС крычаў, і нецэнзурна лаяўся. Пастанову аб прыцягненні да адказнасці прымала адыёзная суддзя Таццяна Мотыль.
Па заканчэнні 10 сутак адпусцілі толькі Яўгена Барысіка.
да, Макс?
а працаваць (ци ваяваць) гэны кролик ни разу не ?