Знайсці
15.08.2022 / 19:59 32

Гісторык правёў прамую лінію на карце паміж Рыгай і Наваградкам і выявіў містычнае

Кандыдат гістарычных навук Мікола Волкаў выявіў адзін займальны факт.

Уявіце сабе, калі правесці прамую лінію з рынка ў Рызе да рынка ў Наваградку (адлегласць 388 км), то яна пройдзе роўна праз Ратушу ў Вільні.

На малюнку ніжэй бачныя дзве лініі: аранжавая выразная — проста прамая лінія па карце, тонкая карычневая — лінія для вымярэння адлегласці, якая ўлічвае скрыўленне зямной паверхні. Якраз апошняя і трапіла на Ратушу.

Супадзенне гэта ці не? Калі не, то можна сфармуляваць спакуслівую гіпотэзу. Прыгадайце, што пра сярэднявечны Наваградак пісалі, як пра незвычайна багаты горад, прычым крыніца гэтага багацця невядомая. Гэтая гіпотэза трохі іначай тлумачыць пачаткі сталіцы Літвы, якая, такім чынам, паўстала не проста сярод святых дуброў ці ў любімай рэзідэнцыі аднаго з князёў. Зрэшты і пачаткі ВКЛ ужо будуць выглядаць крыху іначай…

Сам план старой Вільні — шыкоўная крыніца па гісторыі горада, толькі прачытаць яго не так проста. Калі мы глядзім на старыя вуліцы, то падсвядома разумеем, што яны некуды ў важныя месцы вялі, але не надта ўвагі надаем іх кірунку. Тым больш яны так дзіўна і рамантычна круцяцца. Зрэшты не так даўно не было такіх інструментаў, каб спалучыць мікра— і макраўзровень (вуліцы і дарогі). Цяпер гэта можа кожны. Дарэчы, можаце па QGIS праверыць мае лініі!

І вось звярніце ўвагу, што лінія з Рыгі на Наваградак ідзе роўна праз Зялёны мост. Ён, вядома, пазнейшы, а першы мост ці перавоз былі ля самага замка. Далей лінія ідзе ўздоўж Нямецкай вуліцы (Vokieciu), праз Ратушу і па Вострабрамскай вуліцы. Апошняя, такім чынам, першапачаткова вяла ў Наваградак (праз Рудаміну і Геранёны). Накірункі на Крэва і Ліду — пазнейшыя, калі Літва набрала сілы і пачала ўпэўнена пашыраць свае ўплывы.

«Метафізічная урбаністыка атрымліваецца», — напісалі Волкаву ў каментарыях.

«Месцамі нават містычная», — адказаў ён.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
15.08.2022
антисвета, з якога пальца высмактаная ваша тэорыя? Пры гэтым у вас нават "ё адказ"))) Тады ў мяне пытанне: а як наконт Варшавы? Ну ці Кракава, як мінулай сталіцы? Упс? Далей... Берлін. Зноў упс? Брусель... Парыж... Зноў партовыя гарады?)) Хоць бы карту адкрылі, ахавалі б сябе ад вылівання падобных глупстваў
6
антисвета / адказаць
15.08.2022
вы мяне прабачце канечне, але... ну несур'ёзна гэта, ад слова зусім.
2
Антуан / адказаць
15.08.2022
госпадзе, і тут нават срач
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31