Знайсці
10.08.2022 / 21:04 31

«Давайце размаўляць». Лукашэнка намякнуў на жаданне аднавіць кантакты з Захадам

Шматзначныя выказванні прагучалі 9 жніўня, на нарадзе Савета міністраў «па пытанні функцыянавання эканомікі ва ўмовах санкцый і мерах па іх пераадоленні». Ці будзе адказ Захаду на новую спробу Аляксандра Лукашэнкі аднавіць кантакты, можа залежаць ад таго, на якія крокі лукашэнкаўцы гатовыя пайсці.

Аляксандр Лукашэнка на нарадзе 9 жніўня. Скрыншот з відэа

«Палякі, іншыя ўносяць нам ужо прапановы: «давайце размаўляць». Добра, давайце. Але пакуль у МЗС яшчэ ў нас так — з нагі на нагу пераступаюць», — заявіў Аляксандр Лукашэнка.

Што азначае гэтая заява, зробленая падчас працяглай нарады? У мінулым такія заявы не раз рабіліся, калі Мінск хацеў прадэманстраваць Захаду гатоўнасць да перамоваў і кантактаў. 

Гэты прыём — назавём яго павяртаннем ката хвастом — характэрны для палітычнага стылю Аляксандра Лукашэнкі.

Знішчальныя наступствы для беларускага бюджэту маюць як забарона Еўрасаюза на транспартаванне беларускага калію, так і страта ўкраінскага рынку ў выніку нападу на Украіну Расіі. Паводле афіцыйных даных, падзенне ВУП Беларусі склала каля 9% у маі і 8% у чэрвені гэтага года.

Афіцыйнае агенцтва БелТА дае такія цытаты з заяў Аляксандра Лукашэнкі. 

«Кіраўнік дзяржавы назваў няправільнай пастаноўку пытання і рыторыку аб тым, што замест несяброўскіх краін зараз Беларусь будзе працаваць выключна з сяброўскімі. «Нам ні ў якім разе нельга сыходзіць з Еўрасаюза. Гэта наш бліжэйшы сусед. Мы палову там, па-мойму, працавалі па экспарце, — сказаў Аляксандр Лукашэнка. — З імі трэба працаваць. Шаленства палітыкаў ужо адыходзіць на задні план. Бізнэс ёсць бізнэсам».



І таксама:

«Але актывізаваць супрацоўніцтва трэба імкнуцца і з так званымі несяброўскімі краінамі. «Нічога не трэба адкідаць. З усімі краінамі трэба весці дыялог. Санкцыі рана ці позна адыдуць. І гэтыя дзікія адносіны, якія ў нас існуюць з Захадам, таксама адыдуць у нябыт. Нельга губляць гэтыя рынкі. Бо потым будзем гераічна на іх вяртацца».

Тыя самыя ўрыўкі былі пакінутыя і ў відэаверсіі:

Пікантнасці дадае той факт, што нарада адбылася 9 жніўня 2022 года, роўна праз два гады пасля сфальсіфікаваных выбараў 2020 года, якія выклікалі масавыя пратэсты, для здушэння якіх пачаліся такія ж масавыя рэпрэсіі.

Заявы Аляксандра Лукашэнкі прагучалі на фоне контрнаступальных дзеянняў украінскай арміі на паўднёвым фронце.

Нагадаем, што пасля правалу спробы захопу Кіева і адступлення расійскіх войскаў з поўначы Украіны Уладзімір Макей 6 красавіка накіраваў краінам Еўрасаюза ліст, у якім заклікаў да аднаўлення дыялогу. 

Макей абяцаў, што «Беларусь не будзе ўцягнутая ў вайну». І прапаноўваў: «Давайце выкарыстаем дыпламатычны інструментарый, каб аднавіць дыялог, які ёсць адзіным спосабам, каб знайсці дарогу наперад у любых абставінах».

Макей у сваім лісце адзначаў, што і раней Беларусь і ЕС праходзілі розныя перыяды ў сваіх узаемаадносінах. Але пры гэтым змаглі дасягнуць многага, асабліва ў 2016—2019 гадах: развівалася гандлёвае супрацоўніцтва, быў аслаблены візавы рэжым, працавалі трансгранічныя праграмы і іншае.

«Няўжо ўсе гэтыя ўзаемныя дасягненні ў мінулым?» — пытаўся Макей. «Нешчаслівая чарада падзей, што адбылася з 2020 года, вярнула Беларусь і ЕС практычна ў «ледніковы перыяд», — пісаў ён, дадаючы, што на мяжы паміж намі вырасла новая «Берлінская сцяна».

Ліст выглядаў як прапанова Еўропе ўцягнуцца ў новы дыялог. У самім лісце нічога не гаварылася пра тое, ці застануцца расійскія войскі на тэрыторыі Беларусі і ці будуць вызваленыя і рэабілітаваныя тысячы палітзняволеных. Таму еўрапейцы пакінулі ліст без адказу і проста перадалі яго ў СМІ.

Ці будзе адказ Захаду на новую спробу Аляксандра Лукашэнкі аднавіць кантакты, можа залежаць ад таго, на якія крокі лукашэнкаўцы гатовыя пайсці.

Пакуль Расія працягвае выкарыстоўваць тэрыторыю Беларусі ў ваенных мэтах. Рэпрэсіі ў краіне працягваюцца ў тых жа маштабах, у тым ліку і катаванні палітвязняў у турмах. Распальванне варожасці да Захаду ў цэлым і суседніх краін у прыватнасці таксама не спыняецца. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
6
Гость / адказаць
11.08.2022
Как только ‘’бешеные’’политики уйдут , тогда и санкции могут быть сняты.
0
кум / адказаць
11.08.2022
Такой уже старичок.
0
Ку / адказаць
12.08.2022
бл ок,Не звяртайце ўвагі, крыху пьяны быў. Бо цвярозым я каментары не пішу. Ну і пракаментаваць стары каммент на наступны дзень не змагу. Бо ноавае натхненне.. Нельга ўвайсці двойчы ў адну раку і ўсё такое. Узюзюкаўся так.. што на наступны дзень ледзь ў траве не заблытаўся. Ўсё як вы казалі.
Ці вы пра некйую тэхнічную тарабаршчыну пасля паведамлення? Дык я у гэтых вашых кампухцерах не надта валаку, халера яго ведае адкуль яно ўзялося. Але калі нават гэта вас натхняе да напісання вершаў, то я проста рады за вас! Зайздрошчу крыху нават. Мне для такога, як бачыце, кіліха за шкірку патрэбная
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31