Зяленскі паведаміў пра «добрыя навіны» на поўдні
Прэзідэнт Украіны Уладзімір Зяленскі ў вячэрнім звароце адзначыў «добрыя навіны» аб знішчэнні сіл і сродкаў акупантаў на поўдні.
«Барацьба на поўдні краіны дае добрыя навіны пра знішчэнне сіл і сродкаў расійскай арміі. Ні дня не губляем — памяншаем патэнцыял акупантаў».
Зяленскі таксама адзначыў, што на Данбасе працягваюцца жорсткія баі.
«Самыя гарачыя пункты фронту на гэтым напрамку без змяненняў — Аўдзееўка, Марʼінка, Пяскі, Бахмут і ўвесь адпаведны напрамак. Расія адправіла туды проста каласальны абʼём сваіх ваенных рэсурсаў — артылерыя, тэхніка, людзі. Усе нашы абаронцы там — проста героі», — сказаў ён.
У Харкаўскай вобласці, па словах Зяленсканга, «украінская абарона моцная, і спробы акупантаў атакаваць пастаянна правальваюцца».
У суботу кіраўнік Мікалаеўскай АВА Віталь Кім паведаміў, што ўвесь кіруючы склад расійскіх акупацыйных войскаў на поўдні Украіны перамяшчаецца на левы бераг Дняпра.
