Знайсці
15.08.2022 / 11:01РусŁacБел

У Гродне пачынаецца суд над журналістам Дзянісам Івашыным

Сёння а 14.30 Гродзенскі абласны суд распачынае разгляд справы журналіста Дзяніса Івашына. Справа будзе слухацца ў закрытым рэжыме.

Судовы працэс будзе весці суддзя Валерый Раманоўскі.

Журналіста «Новага часу» затрымалі 12 сакавіка 2021 года.

Адразу Дзяніс праходзіў падазраваным па арт. 365 КК (умяшанне ў дзейнасць супрацоўніка органаў унутраных спраў). Яго апошнім матэрыялам для «Новага часу» быў артыкул аб экс-супрацоўніках украінскага «Беркута», якія збеглі з краіны, уладкаваліся на службу ў беларускія сілавыя структуры і ўдзельнічалі ў разгонах пратэстаў.

Пазней Дзянісу выставілі абвінавачванне па ч. 1 арт. 356 КК (здрада дзяржаве). На падставе гэтага артыкулу журналісту пагражае ад 7 да 15 гадоў зняволення.

Таксама КДБ абвінавачваў Івашына ў супрацоўніцтве з украінскай разведкай.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера