Заблакаваны доступ да сайта газеты «Народная воля»
Рэдакцыя выдання ў сваім тэлеграм-канале паведаміла, што ў адпаведнасці з рашэннем Міністэрства інфармацыі, абмежаваны доступ да сайта «Народнай волі». Прытым усё так кепска, што рэдакцыя не можа нават да адміністраваць сайт.
Стваральнік і нязменны з 1995 года галоўны рэдактар «Народнай волі» Іосіф Сярэдзіч
«Будзем спадзявацца, што часова. Але на сённяшні момант інтэрнэт-рэсурс не адкрываецца ні з Беларусі, ні з-за мяжы. Блакіроўка настолькі глыбокая, што мы не маем доступу нават да адмінкі сайта, каб выправіць тыя недахопы, на якія звярнула нашу ўвагу Міністэрства інфармацыі.
Разлічваем, што бліжэйшым часам праблема будзе вырашаная, мы робім для гэтага ўсё магчымае. І немагчымае таксама. Рэдакцыя па-ранейшаму знаходзіцца ў Беларусі, мы строга прытрымліваемся дзеючага заканадаўства, працуем адкрыта і легальна», — паведамляе рэдакцыя ў сваім звароце.
Чытачам прапануецца не адкладаючы падпісацца на ПДФ версію «Народнай волі» і яе тэлеграм-канал, які па-ранейшаму працуе.
