Знайсці
15.08.2022 / 20:03 7

Прапаганда крычыць пра «беларускі экспартны цуд». Усё аказалася трывіяльным

«Наша Ніва» параўнала беларускую статыстыку з паказчыкамі суседзяў. Экспарт Беларусі выглядае больш чым сціпла. 

Вадзім Гігін — прызначаны Аляксандрам Лукашэнкам кіраўнік таварыства «Веды» тут фігуруе як «палітычны аналітык» — у эфіры СТВ гаворыць:

«Калі нашы праціўнікі кажуць: ой, нечакана так аказалася, Беларусь настолькі ўстойлівая перад санкцыямі. Так устойлівая яна не выпадкова, не таму, што нейкі цуд здарыўся, як я чуў ад іх аналітыкаў — «экспартны цуд». Цуд прыходзіць, калі ты на яго працуеш. У эканоміцы асабліва цудаў не бывае, гэта ўсё вынік напружанай працы. І менавіта гэта і з'яўляецца стратэгіяй Аляксандра Лукашэнкі», — кажа праўладны палітычны каментатар.

Паднялі статыстыку: аб’ёмы беларускага экспарту ў адносна паспяховым 2021 годзе не выглядалі як нейкі «цуд» на фоне суседніх краін. 

У 2021 годзе Беларусь з насельніцтвам 9,4 млн чалавек экспартавала тавараў на 39 мільярдаў даляраў. 

У тым жа 2021-м Літва, якая мае ў амаль у тры з паловай разу меншае насельніцтва (2,8 млн) экспартавала тавараў амаль на аналагічную суму — на 37 мільярдаў даляраў.

У Латвіі ў мінулым годзе экспарт тавараў склаў 19 мільярдаў даляраў. Гэта ў 2 разы менш, чым у Беларусі. Але нагадаем, што насельніцтва Латвіі меншае за 2 млн чалавек. 

Польшча ў 2021 годзе экспартавала тавараў на 331 млрд даляраў. Гэта больш чым у 8 разоў больш за паказчыкі Беларусі (хаця насельніцтва Польшчы большае за беларускае толькі ў 4 разы). 

Такім чынам, гэтыя краіны экспартуюць тавараў на душу насельніцтва ў разы больш, чым Беларусь, і ніхто з іх не крычыць пра «экспартны цуд». Зрэшты, і фінансаваных з дзяржаўнага бюджэту таварыстваў «Веды» ў гэтых краінах таксама няма.

Варта адзначыць, што структура таварнага экспарту пералічаных краін нашмат больш разнастайная, чым беларускага, які ў значнай меры абапіраецца на танныя расійскія энергарэсурсы. Большую частку беларускага экспарту складаюць калійныя ўгнаенні і нафтапрадукты, вырабленыя з расійскай нафты. У выпадку Літвы, Латвіі і Польшчы доля высокатэхналагічных тавараў у экспарце нашмат большая. 

Рост аб'ёму экспарту ў 2021 годзе — гэта не зусім заслуга беларускіх вытворцаў. Яны не сталі раптам выпускаць нейкую новую прадукцыю. У першую чаргу на ажыўленні замежнаэканамічнай дзейнасці адбілася імклівае аднаўленне сусветнай эканомікі пасля пандэміі кароны і рост цэн на нафту і калій на сусветным рынку. 

Але гэта быў 2021 год. Рэпрэсіі, атака мігрантамі на Польшчу і Літву, а пасля і суўдзел ў агрэсіі супраць Украіны сталі прычынамі ўвядзення санкцый супраць Беларусі. Эфект ад санкцый пачаўся ў 2022 годзе.

Беларускі экспарт тавараў у першай палове 2022 года знізіўся. Першы намеснік прэм’ера Снапкоў прызнаў, што па выніках года экспарт можа абваліцца на 30%. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Чудо сдохло / адказаць
16.08.2022
Если путин разрешит возить доллары, из РФ в РБ, камазами, то всё можно залить ими и продолжать, говорить об экспортном, белорусском "чуде".
 Мы - в начале падения, помните очереди фур на десятки киломметров на границах РБ, в обе стороны, которые начали усыхать с 1 июня 2022 года, а окончаталеьно усохли 1 июля 2022 года ?
 С этих дат и пришёл конец всем ЧУДЕСАМ в Беларуси !
 Внимательные, которые вчитывались в документы пакетов санкции Запада, могли прочесть, как номенклатуру подсанкционных товаров, так и  сроки запрета на их импорт-экспорт, так вот, большинство попало на июнь-июль 2022 года.
 Всё просто, Запад, с запасом закрывал подсанкционные позиции - очереди фур в ЕС, а лукавшенковские бизнесы делали ЗАПАСЫ, в прок, (максимум на год) - очереди фур в сторону РБ, это же касается и жд транспорта.
 Да, на год, в надежде на сдохшего ишака и его шаха, можно, сделанные запасы, размазать на год, продолжая, параллельно, по тв, демонстрировать белорусские "чудеса", но на этом ВСЁ!!!
 Либо будем, на вес, менять путинские доллары по схемам параллельного импорта (семейного схематоза) со всеми вытекающими, чтобы продержаться ещё пол года.
0
Пожалуй / адказаць
16.08.2022
Лідкін боршч , новый брсм подрастает, подушевой айкью у абитуриентов падает, в школе часы идеологии вводят. А вы про менее пролукашенковское, но тоже уходящее поколение говорите. Не о том переживаете.
0
Железный Дровосек / адказаць
16.08.2022
гыгыгын, твоё «чудо»—это ежегодные 15 млрд. Долларов из орды для поддержания штанов твоему колхозному хозяину, поэтому,когда совок 2-0 ляснется, посмотрим,что тогда запоёшь,любитель рускаго мира.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30