Знайсці
18.08.2022 / 21:28 2

Украінцы набылі прарыўны спадарожнік на грошы з Байрактараў. Расказваем, якія перавагі ён ім дае і як працуе

Фонд Сяргея Прытулы здолеў дамовіцца з кампаніяй ICEYE, якая з'яўляецца сусветным лідарам па здымках зямной паверхні ў мікрахвалёвым дыяпазоне. Расіяне такой тэхналогіяй не валодаюць — і наўрад ці будуць.

Адзін з новых падарожнікаў ICEYE. Фота: ICEYE

Згодна з кантрактам, УСУ атрымаюць доступ да выкарыстання аднаго са спадарожнікаў кампаніі ICEYE для рэгіёна. Таксама ICEYE дае доступ да інфраструктуры спадарожнікаў кампаніі і архіву здымкаў. Пры гэтым ад украінскай арміі не патрабуецца тэхнічных навыкаў, бо ўсю працу па здымцы і расшыфроўцы здымкаў бярэ на сябе кампанія. Але ў чым перавага гэтых спадарожнікаў і што за кампанія ICEYE?

ICEYE

Кампанія ICEYE родам з Фінляндыі і заснаваная ў 2014 годзе. У 2015 годзе яны даказалі, што іхні метад здымак у мікрахвалёвым дыяпазоне дапаможа сачыць за небяспечнымі ільдамі, а ў 2018 годзе запусцілі першы спадарожнік.

На сённяшні дзень кампанія ICEYE кіруе 21-м касмічным апаратам і найбуйнейшым у свеце флотам камерцыйных спадарожнікаў, якія здымаюць зямлю ў мікрахвалёвым дыяпазоне.

У чым іх перавага?

У любы момант часу вялікая частка Зямлі пакрыта аблокамі або там ноч. Да прыкладу, прыкрытыя аблокамі выявы проста сапсаваныя.

Сканаванне ў мікрахвалёвым дыяпазоне дазваляе атрымліваць выявы, не зважаючы на гэтыя акалічнасці, а таксама паказаць некаторыя рэчы праз перашкоды, бачныя ў аптычным дыяпазоне. Пры гэтым спадарожнікі ICEYE могуць атрымаць выявы з разрозненнем да 25 сантыметраў на піксель і максімальным памерам у 100 на 100 кіламетраў (тады дакладнасць будзе меншай).

Здымак Джакарты са спадарожніка ICEYE. Частка інфармацыі бачная скрозь хмарачосы. Фота: ICEYE

Усё гэта дазволіць УСУ атрымліваць больш інфармацыі пра змяненні на мясцовасці, разгледзець не толькі любую тэхніку, але часта і колькасць асабовага складу ворага, што сапраўды вельмі ўзмоцніць украінскую разведку. Акрамя таго, такія спадарожнікі здольныя адшукаць схаваныя рэзервы ворага і дапамогуць у навядзенні ўкраінскай артылерыі і авіяцыі.

Як працуе такі метад здымак зямной паверхні і якія яшчэ ў яго перавагі?

Насамрэч, метад, які называецца SAR (радыёлакацыйнае сканаванне апертуры) нічога не «фатаграфуе» у прывычным сэнсе — то бок, не атрымлівае ніякай інфармацыі, бачнай вокам. Фактычна, антэна скануе паверхню і выява атрымліваецца за кошт таго, што радар з антэнай рухаецца і паслядоўна запісвае інфармацыю пра аб'ект. Груба кажучы, гэта не аптычная выява, а серыя адлюстраваных ад нейкага аб'екта эха-сігналаў.

Ілюстрацыя працы спадарожніка SAR — карабель вымалёўваецца па меры праходжання спадарожніка. Фота: radartutorial.eu

Акрамя ўсяго іншага, метад мае яшчэ шэраг пераваг:

Высокае разрозненне здымкаў незалежна ад адлегласці. Разрозненне не залежыць ад таго, наколькі далёка датчык знаходзіцца ад зямлі.

Пераменнае разрозненне і ахоп у прасторы. Магутнасць выпраменьвання SAR кантралюецца электронікай, і ёй можна маніпуляваць для змены разрознення і ахопу. Спадарожнікі дазваляюць як атрымаць дэталёвую выяву невялікай плошчы (у некалькі квадратных кіламетраў з разрозненнем да 25 сантыметраў на піксель), гэтак і аглядную выяву вялікага ўчастка зямлі з невялікім разрозненнем (да квадратаў 100 на 100 кіламетраў з разрозненнем у метры на піксель).

Дакладная геалакацыя. Спадарожнік дазваляе атрымліваць геаданыя кожнай кропкі выявы з высокай дакладнасцю, да метраў і доляў метраў.

Стварэнне выяваў для розных мэтаў. Тое, што здыманне з'яўляецца цалкам кантраляваным, дазваляе фармаваць выявы розных тыпаў. Да прыкладу, сінтэзаваць выявы, якія падкрэсліваюць нейкія незвычайныя рэчы і рух на здымку, паказваюць дакладныя мадэлі рэльефу, а таксама выявы, якія наглядна адлюстроўваюць змены на паверхні зямлі.

Чаму такі метад не можа цалкам замяніць звычайныя здымкі?

Негледзячы на шэраг перавагаў, метад мае і недахопы. Да прыкладу, не дазваляе атрымаць інфармацыю пра колер на паверхні зямлі і некаторыя асаблівасці паверхні.

Выява порта Александрыі, атрыманая спадарожнікам ICEYE. Нягледзячы на высокую дакладнасць, частка інфармацыі згубленая, дамы троху зліваюцца, а колеры цяжка нават уявіць. Фота: ICEYE

Таксама такі метад падыходзіць толькі для знаходжання цэляў, якія не рухаюцца, або рухаюцца марудна — іначай сігнал будзе занадта моцна рассейвацца і будзе неінфарматыўным. Праз асаблівасці метаду таксама частка інфармацыі губляецца.

Пытанні ёсць і па хуткасці, бо спадарожнік або некалькі спадарожнікаў мусяць паслядоўна зняць і апрацаваць атрыманыя выявы.

Карацей кажучы, метад не замяняе, а дапаўняе звычайныя метады, якімі карысталіся УСУ, але дае ім вялікую перавагу. І грошы на гэта сабралі самі ўкраінцы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Starwar / адказаць
18.08.2022
Ну что тут сказать? Это элемент супер-пупер прицела. Спутник является девайсом наведения.
0
Нина / адказаць
20.08.2022
Цитата: "не позволяет получить информацию о цвете на поверхности земли". Что за чушь? "Громадске" привело снимок, сделанный этим самым спутником: он цветной. И еще несколько моментов нестыковки информации "Громадске" и в этом материале. "Громадске": "Согласно сделке, украинская сторона получает и спутник, и доступ к базе данных созвездия спутников. Даже когда истечет оплаченный срок доступа к базе данных, сам спутник остается в полной собственности Украины, пока будет работать на орбите." "Также, согласно договору, спутник застрахован: если с ним что-нибудь произойдет до истечения гарантированного срока эксплуатации, компания-продавец обязуется предоставить украинской стороне идентичный спутник." В общем, откройте источник и прочитайте сами.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31