Як прыбраць на белым адзенні плямы ад поту? Спосаб нашых бабуль

Адзін раз надзелі белую кашулю, а на ёй ужо жоўтыя плямы ад поту? Не хвалюйцеся, з дапамогай гэтага спосабу вы лёгка іх пазбавіцеся.

Фота: pixabay.com

Спёка і стрэс прымушаюць нас больш пацець, і нішто так не псуе знешні выгляд, як жоўтыя плямы ад поту. Дзякуючы простаму сродку, якім карысталіся яшчэ нашы бабулі, мы хутка і проста пазбавімся ад гэтых плямаў, піша onet.pl.

Нам спатрэбяцца некалькі рэчываў, якія звычайна ёсць у кожным доме: воцат, харчовая сода і лімон. Наліце ў кубак крыху воцату, выцісніце ў гэты ж кубак сок лімона і дадайце сталовую лыжку харчовай соды, добра ўсё перамяшайце.

Гэтую сумесь трэба нанесці лыжкай на пляму, расцерці і пакінуць яе там на 15 хвілін. Потым проста прапаласкайце адзенне халоднай вадой і адпраўце яго ў пральную машыну. Вынік? Белая кашуля без плямаў!