Знайсці
01.09.2022 / 16:33РусŁacБел

The New York Times: ЗША ўводзяць забарону на пастаўкі графічных чыпаў Nvidia і AMD у Расію і Кітай

Як піша The New York Times, рашэнне абмежаваць продаж у Кітай і Расію высокапрадукцыйных графічных чыпаў двух сусветных лідараў у гэтым сегменце рынку — Nvidia і AMD — прыняла адміністрацыя прэзідэнта ЗША Джо Байдэна.

Па звестках выдання, цяпер амерыканскі ўрад будзе патрабаваць наяўнасці спецыяльнай ліцэнзіі на экспарт пэўных найменняў прадукцыі. Гаворка ў асноўным аб працэсарах, якія першапачаткова распрацоўваліся для рэндэрынгу малюнкаў у відэагульнях, але ў апошняе дзесяцігоддзе сталі шырока выкарыстоўвацца ў суперкамп'ютарах, а таксама для функцый распазнання мовы і аб'ектаў на фота.

Акрамя таго, самі суперкамп'ютары з графічнымі чыпамі Nvidia і AMD маглі выкарыстоўвацца для праектавання і распрацоўкі ўзбраенняў і з мэтай збору каштоўных разведзвестак.

Nvidia цяпер не прадае сваю прадукцыю ў Расію, аднак мае шмат кліентаў у Кітаі, а новыя абмежаванні закранаюць бізнэс, які прынёс кампаніі каля 400 млн даляраў прыбытку за апошні квартал, паведамляе NYT.

У AMD заявілі, што захады ўрада ЗША, відавочна, паўплываюць на продажы «аднаго з яе найбольш высокапрадукцыйных графічных працэсараў у Кітай і Расію».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера