Знайсці
02.09.2022 / 21:3212РусŁacБел

«На мяжы ў мяне здарыўся прыступ эпілепсіі». Беларуску не ўпусцілі ва Украіну праз «недахоп грошай»

Рэзанансная гісторыя адбылася з дзяўчынай, калі тая вярталася ў Кіеў на цягніку.

Ілюстрацыйны здымак

Ганна — грамадзянка Беларусі. Яна некалькі год таму выйшла замуж за ўкраінца, жыла апошнія два гады ва Украіне і мела там часовы від на жыхарства. Там жа колькі год жыве яе маці.

У ліпені дзяўчына выехала ў Германію, каб атрымаць часовую абарону і права знаходзіцца на тэрыторыі ЕС на працягу двух гадоў. У верасні ў яе сканчаецца ўкраінскі дазвол на жыхарства, таму дзяўчына паехала ў Кіеў, каб працягнуць дакументы і пачаць працэс атрымання ўкраінскага грамадзянства. А таксама пабачыцца з маці.

30 чэрвеня яна ехала на цягніку разам з мужам. На мяжы яе адвялі на допыт. «Вы ж ведаеце, як у нас цяпер з беларускімі і расійскімі пашпартамі», — сказалі. 

Пыталіся, па якім адрасе яна жыве ў Кіеве, навошта едзе туды, ці ёсць у яе мужа нерухомасць, колькі грошай мае (пры сабе ў Ганны было 1000 грыўняў і 3000 даляраў на картцы), ці была яна ў Крыме. 

Жанчына-памежніца супакойвала, што ўсё будзе нармальна, бо яе дакументы і дакументы мужа (у тым ліку з ваенкамата) у парадку. Сяржант жа, што праводзіў допыт, прыняў іншае рашэнне. У дакуменце пра адмову на ўезд было напісана, што прычына — недастатковае фінансавае забеспячэнне.

«Словы пра тое, што я магу паказаць свае фінансы ў анлайн-дадатку банка, не працавалі. Пра тое, што ў мяне таксама ёсць муж, грамадзянін Украіны, які стаіць за дзвярыма і можа паказаць свае фінансы, то-бок наш дастатак у сям'і, — таксама. Пра тое, што ў мяне там мама, якая таксама можа мяне «ўтрымліваць» — таксама», — падзялілася Ганна. Колькі грошай трэба мець, каб дазволілі ўехаць, пары не адказалі.

Пасля гэтага ў дзяўчыны здарыўся эпілептычны прыпадак, упершыню за два гады рэмісіі. У кабінеце ўсе перапалохаліся, муж Ганны змог прарвацца да яе. Супрацоўніцы спрабавалі дапамагчы, але, відаць, не ведалі як. Ганна расказвае, што ёй спрабавалі ўсунуць лыжку ў рот (а гэтага нельга рабіць, бо сківіца знаходзіцца ў максімальным тонусе і яе так можна зламаць).

Сяржант патрабаваў у мужа Ганны, каб той падпісаў дакументы за яе.

Хуткую дзяўчыне не выклікалі.

Ужо ноччу памежнікі адвезлі пару ў бок польскай мяжы і высадзілі каля нейтральнай зоны. Яшчэ хвілін з 20 дзяўчына з мужам ішла да польскай мяжы.

Прайшоўшы кантроль, там дзяўчына паспрабавала яшчэ раз трапіць ва Украіну, ужо пешшу праз мяжу. Але яе зноў не прапусцілі.

Ганна вярнулася ў Германію — дабіралася аўтобусамі тры дні.

«Начныя пераезды ад мяжы Польшчы да населенага пункта і жудасны прыгранічны «гатэль», квіток да Кракава, арэнда кватэры, бо не было сіл зноў ехаць 14 гадзін да Берліна за адзін дзень, квіток на аўтобус Кракаў — Берлін — агулам 600 даляраў. Грошы, якіх, па меркаванні памежніка, у мяне няма», — апісала яна дарогу.

Дзяўчына звярнулася па дапамогу да адваката.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
03.09.2022
государственный садизм, и ни разу они не молодцы, они идиоты, не все само собой, но слишком много идиотов для такой страны будущего, какой ее видит Арестович, Зеленский и т.д.

там по Беларуси неплохо разбирается Гончаренко, остальные со своими автократными замашками, Подоляк прозрел аж только спустя полгода, и то не факт, что не выкинет очередную ложь вроде "никто на протесты не выходил"

в общем забейте на Украину, уезжайте в Литву, Польшу, Болгарию, Словакию, Румынию
на Чехию тоже плюньте, там свои подковерные игры

это все еще восточноевропейские страны, относительно недорогая жизнь, масса возможностей, и намного меньше идиотов, Украине мы должны помогать ровно настолько насколько это в наших интересах, к сожалению те прочные связи, та доброжелательность между нашими людьми, с которой я лично имел дело, уже более невозможна из-за политики их государственной машины

если неинтересно в ЕС, то даже Турция или Грузия предпочтительней, а там солнце и море, а для совсем рисковых есть более дальние варианты вроде США и Австралии

2
Барри Келли/адказаць/
03.09.2022
123, согласен абсолютно
12
Павлик/адказаць/
03.09.2022
жудасны прыгранічны «гатэль».....этот комментарий говорит о многом....ей не понравился даже отель...и очень сомневаюсь, что он был настолько ужасный, что нельзя было переночевать....уж извините не Radisson Blu...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера