Грыбнікам — падрыхтавацца!
Гарачы жнівень змяніўся халодным вераснем. Але на змену прымаразкам нарэшце прыйдуць дажджы.
Пра змену надвор'я ў Белгідрамеце.
«Гарачы жнівень змяніўся халодным вераснем, і сярэдняя тэмпература паветра першага тыдня каляндарнай восені на 1-6 градусаў ніжэйшая за кліматычную норму. На працягу наступнага тыдня ў Беларусі паніжаны тэмпературны рэжым захаваецца.
У пятніцу ў начныя гадзіны тэмпературны фон будзе вельмі кантрасным: на большай частцы тэрыторыі Віцебскай, Магілёўскай і Мінскай абласцей і месцамі па Гомельскай вобласці будзе ад 0 да мінус 3 градусаў. Месцамі мінімальная тэмпература паветра складзе +1—6. У паўднёва-заходніх раёнах, прыкрытых шчыльнай франтальнай воблачнасцю, ноччу наогул будзе ад плюс 7 градусаў да +10. У выхадныя і на пачатку наступнага тыдня за кошт больш шчыльнай воблачнасці ночы стануць на пару градусаў цяплейшымі, пры гэтым воблачнасць будзе перашкаджаць дзённаму прагрэву», — растлумачылі ў Белгідрамеце.
У пятніцу надвор'е будзе пераважна без ападкаў. Па паўднёвым захадзе краіны пройдуць дажджы, днём месцамі моцныя. Днём паветра прагрэецца да +12-18, месцамі — да +20.
У суботу кароткачасовыя дажджы пройдуць ужо па большай частцы тэрыторыі краіны. Уначы ад +2 да +9, а на паўднёвым захадзе ад +10 да +12. Днём слупок тэрмометра паднімецца да +10—17, а месцамі — да +19.
У нядзелю, 11 верасня, на большай частцы тэрыторыі рэспублікі пройдуць дажджы, месцамі моцныя, магчымыя навальніцы. Уначы +4—11 градусаў, а ўдзень +8—14.
Пасля дажджоў у сярэдзіне верасня звычайна ідуць грыбы.
