Знайсці
17.09.2022 / 11:4515РусŁacБел

Пад Ізюмам украінцы захапілі сотні адзінак тэхнікі. Аналіз захопленага тлумачыць, чаму Расія не праводзіць мабілізацыі

Ашаламляльны калапс расійскіх войскаў у Харкаўскай вобласці выявіў, што Расіі больш асабліва няма чым ваяваць. 

Пад Ізюмам украінскія войскі захапілі сотні адзінак тэхнікі. Тут і далей: скрыншоты з відэа і фоты з сацыяльных сетак

Незалежны Oryx Project фіксуе страты Расіі і Украіны, зафіксаваныя відэа— і фотаматэрыяламі. Расійскі спіс за апошні тыдзень папоўніўся 333 пунктамі. З іх 224 адзінкі тэхнікі ўкраінцы захапілі. 

Гэта далёка не поўны спіс, таму што ўкраінцы яшчэ не скончылі зачысткі Ізюма і яго ваколіц. Тым не менш, ён дазваляе зрабіць некаторыя высновы. Доля састарэлай, савецкага часу бранятэхнікі значна вырасла ў параўнанні з пачаткам канфлікту. Гэта значыць, што расійскія арсеналы вычэрпваюцца. 

На захопленую тэхніку з расійскімі V, Z i O ўкраінцы наносяць свой знак: крыж

Усяго Oryx Project зафіксаваў страту расіянамі 5801 адзінак тэхнікі, у тым ліку 1083 танкаў. Для параўнання: украінцы страцілі 1577 адзінак.

Перад прарывам фронту пад Балаклеяй украінцы абрынулі на расійскія пазіцыі шквал агню. Пазней расіяне панеслі цяжкія страты падчас адступлення

Расійская армія практычна не мае і рэзерваў. Калі ўкраінцы прарвалі фронт, далей яны прасоўваліся да самай расійскай мяжы, не сустракаючы ніякага супраціву.

Такая рэдзенькая лінія абароны — на многіх участках 1300-кіламетровага фронту, прызнаюць расійскія франтавыя блогеры.

Шматлікія відэа, што фіксуюць нейтралізацыю расійскай тэхнікі, паказваюць перавагу ўкраінцаў у разведцы і высокадакладнай зброі.

Украінцы, фактычна, бачаць расійскую армію з паветра ў рэжыме анлайн, тады як расіяне — толькі ў бінокль.

На відэа заўважны таксама кантраст добра абмундзіраваных, аснашчаных украінскіх вайскоўцаў з расійскімі байцамі. Да гэтага дадаецца розніца ў матывацыі.

Дакладная колькасць палоненых расійскіх вайскоўцаў пакуль не называецца

Са статыстыкі расійскіх страт вынікае, што Масква не праводзіць мабілізацыі не столькі з палітычных прычын, колькі таму, што мабілізаваным не было б на чым ваяваць. Яны апынуліся б з калашамі супраць добра ўзброенай украінскай арміі.

Мясцовыя жыхары сустракаюць украінскі патруль. На заднім фоне — кінутая расійская бранятэхніка

Расійскія сацыяльныя сеткі поўняцца трывожным чаканнем, дзе ўкраінцы нанясуць чарговы ўдар.

Франтавыя блогеры пішуць, што ўкраінская армія ўжо разбірае мінныя загароды пад Вуглядарам — гэта між Данецкам і Гуляй-Полем, вядзе інтэнсіўную паветраную разведку над Данецкам і падводзіць бранятэхніку праз Мікалаеў да Херсона.

Расійскія войскі захоўваюць ініцыятыву ў раёне Бахмута і Горлаўкі. Аднак уся расійская групоўка на поўначы Луганскай вобласці можа апынуцца пад пагрозай пасля падзення Лімана — баі там працягваюцца двое сутак. Украінцы не толькі свабодна фарсіравалі Северскі Данец, каб выйсці да гэтага горада, але і перакінулі туды бранятэхніку. Што падзеі там разгортваюцца ў нявыгадным для Расіі рэчышчы, сведчаць допісы шавіністычных каналаў, якія прасоўваюць думку, што там украінцамі кіруюць натаўскія інструктары.

На фота ніжэй: украінскія вайскоўцы ў Ваўчанску, самым усходнім горадзе Харкаўскай вобласці, за 2 кіламетры ад мяжы з Расіяй.

Відэа фіксуюць таксама сцэны радасці і слёз на вуліцах вызваленых гарадоў і вёсак. Мясцовыя жыхары сустракаюць украінскую армію з кветкамі і сцягамі пасля паўгадавой акупацыі ў вайне, якая для ўкраінцаў набыла характар «айчыннай».

Усяго за мінулы тыдзень украінская армія вызваліла больш за 8000 квадратных кіламетраў тэрыторыі. У Харкаўскай вобласці пад кантролем расіян застаецца толькі тэрыторыя на левым беразе ракі Аскол. У выпадку падзення Лімана і выхаду ўкраінскай бранятэхнікі да Сватава, адступленне расійскай арміі з усёй поўначы Луганшчыны стане таксама пытаннем часу.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
18.09.2022
Алег Бандермобиль лучше бмп-1, опыт афганской войны,где душманы ездили на «симургах»с принайтованными ДШК за кабиной,который носил функцию поддержки группы в засаде,наносили удары с рпг-7 по тем же бмп (и бтр и танкам)и тут же улетучивались. Так же могли монтировать агс-17 «Пламя», «фагот» и прочее.Любая броня лучше,чем вообще без неё, но при наличии противотанковых средств ее преимущество если и не сводится к нулю,то существенно понижается. Понятно,что бандермобиль импровизация,но он как раз и выполняет функцию скоростного перемещения противотанковых и антиавиационных средств.
1
Алег/адказаць/
18.09.2022
Хорошо, но зачем козе баян? То бишь зачем зеку или алкашу из Вагнера или "мобику" из ДНР давать Т80 или Т90? Они его похерят на раз-два. Это экономически нецелесообразно... ИМХО.
18.09.2022
Алег Это точно!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031