Знайсці
13.09.2022 / 16:246РусŁacБел

Такіх панэлек у Мінску яшчэ не будавалі

Зменьваць панэльныя дамы прыватныя забудоўшчыкі пачалі досыць даўно. Потым і «дзяржаўныя» падцягнуліся: у «свечках» і «сценах» павялічыліся вокны, з'явіліся еўрапланіроўкі, месцы агульнага карыстання сталі яркімі і «ветлымі», а фасады — запамінальнымі. Добрыя і правільныя змены. Аднак УКБ Заводскага раёна пайшоў яшчэ далей: свае панэлькі забудоўшчык вырашыў «захамелеоніць» пад сталінкі. Што атрымалася з гэтай задумы, піша Onliner.by.

Незвычайная будоўля разгарнулася восенню мінулага года ў межах вуліц Клумава — Стаханаўскай — Чабатарова — Шчарбакова. Сучасныя дамы прыйшлі на змену пасляваенным двухпавярховікам. Тры гмахі, закрыты двор, убудаваныя парковачныя месцы. Такім павінен быў на выхадзе атрымацца квартал для маючых патрэбу ў паляпшэнні жыллёвых умоў (і толькі для іх — звычайных дольшчыкаў у гэтую будоўлю не звалі).

Але прыцягнула ўсеагульную ўвагу, вядома, не гэта. Новыя дамы абяцалі зрабіць такімі, каб яны не выбіваліся з агульнай архітэктурнай карціны, сфарміраванай яшчэ ў канцы 40-х — пачатку 50-х. Канцэпт пазначылі так: «у стылі Партызанскага праекта сталінскага перыяду».

Зрэшты, пры праглядзе рэндару нічога не было зразумела: дамы і дамы.

Варта аддаць УКБ і Мапіду належнае: сяміпавярховікі раслі як на дражджах, толькі паспявай выпускаць праектныя дэкларацыі і заключаць дамовы. Дарэчы, за метр у новабудоўлях прасілі прыкладна $695 і $1045 па курсе (за нарматыўную і звышнарматыўную плошчу адпаведна).

І вось вышынныя дамы амаль гатовыя. «Вядзецца праца па ўводзе ў эксплуатацыю», — тлумачаць ва упраўленні капітальнага будаўніцтва. 

Што ж, упрыгожванняў не пашкадавалі: «ляпніна» прапісалася на ўсіх фасадах — фрызы абдымаюць шматпавярховікі на некалькіх узроўнях. Колерам і шматступенным «плінтусам» абыгралі пераход да даху. Вокны атачаюць мінімалістычныя карнізы.

Звярніце ўвагу на тэрасу, якая атрымалася за кошт стылабата-паркоўкі! Гэтая тэрыторыя павінна стаць месцам адпачынку мінчан, якія пабудавалі кватэры ў ЖК. Тут табе і міні-калоны, і балюстрада, і цагляны мур. Колькі фота для Instagram будзе зроблена на гэтай тэрасе, нават уявіць складана. Праўда, могуць узнікнуць і канфлікты: жыхарам першага паверха, вокны якіх выходзяць проста на тэрасу, наўрад ці спадабаецца, калі так хтосьці ўвесь час будзе гуляць-гудзець.

Характэрна, што самі фасадныя пліты дэкараваны пад камень. Але усюдыісныя швы, вядома, выдаюць панэльнае паходжанне.

Трэці дом, які павінен замкнуць кампазіцыю і ўтварыць закрыты двор, пакуль яшчэ не ўзялі ў працу. На яго месцы знаходзіцца будаўнічы гарадок. Так што да добраўпарадкавання агульнай тэрыторыі яшчэ не прыступалі. Але, відавочна, пабудаваны ён будзе ў тым жа стылі, што і першынцы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
13.09.2022
Андрэйка, а где в минске современное жилье?? Его нет
2
Уладзімір/адказаць/
13.09.2022
А мне падабаецца :) 
Тым больш - у гэтым раёне, які будаваўся пасля вайны у падобным стыле.
Архітектару - рэспект.
0
Valadzimir/адказаць/
14.09.2022
У Маскве, ды наогул у Расеі, у такім трэшавым стылі з элементамі сталінскага ампіру шматпаверхавікі клепают даволі даўно і цэлымі раёнамі. Ёсць ужо такія будынкі і ў Мінске.
Так што гэты мапідаўскі "эксперымент" у Завацкім раёне Мінска - "навінка" другой , ці нават трэцяй сьвежасьці. Як амаль усё у РБ.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера