У мінскай Серабранцы прадаецца кватэра з палацавым інтэр'ерам

Фота: realt.by

Кватэра плошчай 355 квадратных метраў займае восьмы паверх у цагляным пятнаццаціпавярховіку на вуліцы Якубава ў Мінску. Кошт нерухомасці — 942390 рублёў або 370000 даляраў (1042 даляры за квадратны метр).

Фота: realt.by

У кватэры ёсць гасцёўня, аб'яднаная са сталовай, тры спальні з уласнымі гардэробнымі, кабінет, кухня з абедзеннай зонай, чатыры санвузлы, саўна, асобныя гардэробныя, пральня, тры кладоўкі, шэсць зашклёных лоджый. У дадатак да жылля маецца два машынамесцы ў паркінгу.

Фота: realt.by

Фота: realt.by

Фота: realt.by

Кватэра цалкам адрамантаваная. Яе інтэр'ер імкнуліся зрабіць у класічным стылі, у выніку атрымалася змешванне. Ёсць тут пазалота, крэслы з мудрагелістымі ножкамі, цяжкія канапы і крэслы з закручанымі падлакотнікамі, стракатыя дываны, крышталь, шмат'ярусныя гардзіны і многае іншае. Выглядае вельмі дорага, але такое ўбранне абярэ далёка не кожны.

Фота: realt.by

Фота: realt.by

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

1

29

32

2

3

2