Знайсці
22.09.2022 / 17:14

Як падтрымаць імунітэт і застрахавацца ад прастуды? Вось некалькі рэцэптаў

Восень традыцыйна прыносіць з сабой рост рэспіраторных хвароб. Каб не залегчы дома з прастудай, узмацняйце свой імунітэт і ешце стравы, багатыя на вітаміны. Прапануем вам два рэцэпты, якія цудоўна падтрымаюць арганізм восенню.

Фота: flickr.com

Кажуць, што свежыя і сырыя прадукты — самыя карысныя, але ёсць адно выключэнне, і гэта — некаторыя кансерваваныя стравы. Часам ежа, што прайшла кансервацыю, мае вялікую харчовую карысць за кошт вітамінаў, мінералаў і прабіётыкаў, піша onet.pl.

Прапануем вам рэцэпты вітамінных кансерваваных страваў, якія здорава падмацуюць ваш імунітэт.

Марынаваныя лімоны

Гэтую страву любяць у міжземнаморскіх краінах, асабліва ў Марока. У марынаваных лімонах шмат вітаміна С, які добра запавольвае працэс старэння скуры, паляпшае яе структуру і знешні выгляд, паніжае артэрыяльны ціск і ўзровень халестэрыну. Нарэшце, гэта проста цікавая і арыгінальная закуска.

Вось як згатаваць марынаваныя лімоны:

  1. Апарце лімоны (вы можаце іх браць столькі, колькі лічыце патрэбным).
  2. Разрэжце ўсе лімоны на чатыры часткі, але не цалкам, а так, каб чацвярцінкі сходзіліся ля асновы лімона.
  3. Натрыце ўнутраную частку лімона соллю буйнога памолу, а потым пакладзіце лімоны ў слоік так, каб яны там шчыльна змяшчаліся. Дадайце лаўровы ліст, зубок часнаку і карыцу. Утрамбуйце лімоны, каб з іх выдзяліўся сок, можна для гэтага выкарыстоўваць качалку. Калі сок не пакрывае лімоны цалкам, даліце дадатковы лімонны сок ці кіпячоную ваду.
  4. Шчыльна закрыйце слоік і прыбярыце яго ў прахалоднае месца. Праз тыдзень лімоны можна есці. Салёныя лімоны можна выкарыстоўваць як самастойную закуску, а можна наразаць на кавалкі і дадаваць у любыя несалодкія стравы: у салаты, стравы з бульбы і гародніны — карацей, усё, што прыйдзе ў галаву.

Марынаваныя буракі

Такая закуска дапамагае знізіць крывяны ціск і ўзровень халестэрыну ў крыві, а таксама падтрымлівае фізічную працаздольнасць і навык канцэнтрацыі. Марынаваныя буракі могуць стаць добрым гарнірам, таксама іх можна дадаваць у супы. Рэцэпт марынаваных буракоў наступны:

  1. Ачысціце бурак і нарэжце на тоўстыя кубікі. Раскладзіце іх па слоіках і заліце вадой, дадайце часнок і соль.
  2. Закрыйце слоікі, заматайце іх тканінай і пастаўце ў цёплае месца.
  3. Перамешвайце буракі раз на дзень драўлянай лыжкай. Праз 5-7 дзён яны будуць гатовыя.

І яшчэ: вы выліваеце расол з кансерваваных прадуктаў? Дарма, бо так вы пазбаўляеце сябе шматлікіх каштоўных рэчываў, якія знаходзяцца ў ім, вітамінаў і мінералаў. Але будзьце асцярожныя, бо расол можа выклікаць дыскамфорт у страўніку, у дадатак, у ім шмат солі, а яе лішак шкодзіць здароўю. Таму піце расол, але патроху, пачынайце недзе з 50 мілілітраў.

Маласольныя агуркі «насуха» — гатовыя ўжо праз некалькі гадзінаў + ВІДЭА

Як есці часнок, каб эфект для здароўя быў найлепшы

Навошта ўвогуле патрэбныя вірусы? Без іх нас магло б не быць

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31