ГУБАЗіК затрымаў паэта, які выкладаў у прыватнай школе Smart School. Выдатнага педагога змусілі на відэакамеру чытаць уласныя вершы і апраўдвацца
Мужчыну клічуць Дзмітрый Юртаеў і яму 44 гады.
Фота: сацсеткі
Ён піша вершы на рускай мове. Член Міжнароднага саюза пісьменнікаў «Новы сучаснік», Беларускага літаратурнага саюза пісьменнікаў «Полацкая галіна» і акцёр Тэатральна-літаратурнай майстэрні «ТЭАТР Літасфера».
Мае зборнік «ЖГИ!», выпушчаны ў Канадзе ў 2014 годзе, публікуецца ў некалькіх літаратурных часопісах і ўдзельчае ў конкурсах. Займаецца таксама фатаграфіяй і ладзіць выставы.
Зміцер працаваў выкладчыкам у прыватнай школе Smart School, якая нядаўна патрапіла ў цэнтр бытавога скандалу. Хлопчык стрэліў у дзяўчынку з дзіцячага пнеўматычнага пісталета — за гэта на дырэктарку ўзбудзілі крымінальную справу, а Лукашэнка даручыў увесці ліцэнзаванне прыватных школ.
Допіс у «Жоўтых злівах» пра Дзмітрыя з'явіўся ўчора. Там былі ў асноўным скрыншоты з ягоных сацыяльных сетак з крытыкай дзеянняў уладаў. А сёння мужчыну затрымалі.
Адзін з допісаў Дзмітрыя з «Жоўтых зліваў»
У запісаным відэа сілавікі змушаюць яго апраўдвацца за свае дзеянні і перабіваюць запіс фрагментамі таго, як ён чытае свой верш проста ў іхнім аддзяленні. Паведамляецца таксама, што супраць яго завялі крымінальную справу.
Чытайце яшчэ:
Затрымалі вядомага трэнера па вольнай барацьбе
Лукашысты дапытвалі праграміста, завязаўшы яму бандану з еўрапейскім сцягам на жаночы манер
