Працягнулі на паўгода бяспошлінны ўвоз тавараў на суму ў 1000 еўра
Рада Еўразійскай эканамічнай камісіі падоўжыла дзеянне парогу бяспошліннага ўвозу тавараў для фізічных асоб у 1000 Еўра да 1 красавіка 2023 года.
Фота: RoseBox / Unsplash
«Падаўжэнне гэтай меры дазволіць падтрымаць грамадзян ва ўмовах санкцыйнага ціску і пазбегнуць дэфіцыту тавараў першай неабходнасці і тавараў крытычнага імпарту», — заявілі ў прэс-службе ЕЭК.
У сакавіку Рада ЕЭК павысіла парог бяспошліннага ўвозу да 1000 еўра на часовай аснове да 1 кастрычніка бягучага года.
У Беларусі следам за рашэннем ЕЭК таксама быў павялічаны ліміт для бяспошліннага ўвозу пасылак: 1 тыс. еўра і 31 кг. Калі кошт пасылкі перавышае ўстаноўленае абмежаванне або яе вага складае больш за 31 кг, неабходна заплаціць пошліну ў памеры 15% ад кошту замовы, але не менш за 2 еўра за 1 кг.
