Знайсці
24.09.2022 / 18:26

Павел Дураў папярэдзіў прапагандысцкія каналы, якія заклікаюць да гвалту, што цацкацца з імі не будуць

Telegram па патрабаванні Apple заблакаваў на iPhone / iPad некалькі звязаных з Беларуссю рускамоўных каналаў сумарнай колькасцю ў 80 тысяч падпісчыкаў, заявіў стваральнік месенджара Павел Дураў. І параіў тым уладальнікам, хто прадукуе падобны кантэнт і да папярэджанняў ставіцца паблажліва, не спадзявацца на сілу ўласнага нахабства.

«Адміністратары яшчэ некалькіх падобных каналаў агульнай колькасцю ў 50 тысяч падпісчыкаў атрымалі папярэджанні ад нашай каманды аб тым, што яны парушаюць правілы Apple.

Адміністратары каналаў павінны максімальна сур'ёзна ўспрымаць падобныя папярэджанні і імкнуцца рабіць усё магчымае, каб дапушчаныя парушэнні не паўтараліся. Інакш іх каналы будуць непазбежна заблакаваныя ў версіях Telegram, якія распаўсюджваюцца праз App Store і Google Play.

Уцёкі ў іншыя мабільныя прыкладанні не дапамогуць ім пазбегнуць абмежаванняў доступу, бо любое іншае мабільнае прыкладанне гэтак жа сама, як і Telegram, будзе абавязана выконваць правілы крам прыкладанняў.

У лепшым выпадку каналы-парушальнікі застануцца даступныя ў вэб-версіях і версіях Telegram, запампаваных напрамую з telegram.org, аднак гэта не закране тых каналаў, якія парушаць правілы самога Telegram, а не правілы Apple або Google.

Напрыклад, учора пасля паўторнага парушэння мы былі вымушаныя выдаліць рускамоўны канал, які заклікаў «рэзаць» і «расстрэльваць» бяззбройных безабаронных людзей.

Пасля таго, як нашы мадэратары схавалі праблемны пост і адправілі адміністратарам канала апавяшчэнне аб недапушчальнасці падобнага кантэнту, уладальнікі канала апублікавалі тое ж паведамленне зноўку, забяспечыўшы яго скрыншотам з атрыманым імі папярэджаннем.

Так рабіць ніколі не варта — правілы Telegram наўпрост забараняюць публічныя заклікі да гвалту. Паўторнае парушэнне амаль непазбежна прыводзіць да выдалення канала», — заявіў Дураў.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30