Знайсці
24.09.2022 / 22:03 11

«Пачалася цісканіна, АМАП пачаў разганяць людзей». Што адбывалася сёння ў Dana Mall

У суботу, 24 верасня ў Мінску анансавалася сустрэча з Міланай Хаметавай. Гэта 12-гадовая расійская блогерка, мадэль і спявачка. Сустрэча праходзіла ў гандлёвым цэнтры Dana Mall і павінна была доўжыцца з 15.00 да 17.00. У гандлёвым цэнтры сабралася некалькі тысяч падлеткаў, пачалася цісканіна, а таксама абарваўся ліфт, у якім знаходзіліся людзі. У той сітуацыі, якая склалася, было і застаецца шмат незразумелага. Выданне «Зеркало» распытала ўдзельнікаў сустрэчы аб тым, што адбывалася ў гандлёвым цэнтры.

Фота відавочцаў

Па словах чытача «Зеркала» Максіма, падлеткі сталі збірацца ў гандлёвым цэнтры задоўга да пачатку мерапрыемства.

«Прыкладна ў 13.30 было ўжо каля 800 чалавек», — расказаў ён.

Чытачка Алена паведаміла, што асноўная маса падлеткаў была на першым паверсе, там жа стаялі сцэна і вялікі экран.

Бліжэй да 14.00 у гандлёвым цэнтры ўжо было не прайсці: фанаты гуртаваліся на другім і трэцім паверхах гандлёвага цэнтра. Канцэрт павінен быў праходзіць у 15.00, але блогерка выйшла на сцэну значна раней — у 14.10.

«Прыйшла Мілана Хаметава, праспявала «Умка» і «ЛП», — распавядае Максім. — Потым яна сышла. Далей упаў ліфт праз тое, што там было чалавек з 15-20».

Чытачы «Зеркала» распавялі, што ў адным з ліфтаў абарваліся тросы. Казімір, які праз вялізную чаргу не змог трапіць на сустрэчу з Хаметавай, распытаў відавочцаў, якія выходзілі з гандлёвага цэнтра, пра тое, што адбывалася на сустрэчы. Сярод іх быў і хлопчык, які знаходзіўся ў тым самым ліфце.

«Мілана стаяла з аховай, яе адводзілі. Яна пабегла ў ліфт, і мы ўсім натоўпам — туды, — эмацыйна распавёў хлопец. — І ён проста ўніз рушыў, упаў. Адна дзяўчынка страціла прытомнасць ад недахопу паветра, там чалавек 17 было ў ліфце. Нас ледзь-ледзь дасталі».

Алена дадае, пасля выступу блогера на першым паверсе каля крамы De Facto пачалася цісканіна. Пра гэта кажуць і іншыя наведвальнікі.

«Прыйшлі а палове на трэцюю, перад сустрэчай, амаль адразу трапілі ў плынь людзей, якая абступіла блогера. Была жудасная цісканіна, народ піхаўся, мяне штурхнулі ў блогера, ледзь не ўпала, — распавядае адна з удзельніц пра тое, што адбывалася пасля канцэрту блогеркі. — Калі прыйшлі да сцэны, нам сказалі, што Мілана з'ехала, і ўсіх прасілі пакінуць ГЦ.

Мы пайшлі праз паркоўку, па дарозе да нас падышлі некалькі падлеткаў і спыталіся, дзе ліфт, які ўпаў. Аказалася, што там была сястра аднаго з хлопцаў. У метро мы не спускаліся, пабаяліся, што задушаць. Гэта было жудасна, я не ўяўляю, што было б, калі б мы засталіся там».

«Я трапіла ў гэты натоўп, мы з сябрамі згубіліся, людзі штурхаліся, былі апантаныя жаданнем сфатаграфавацца з Міланай — было страшна, — кажа Анастасія. — Калі мы выбраліся да сцяны каля сцэны, на якой павінна была выступаць Мілана, нас заціснулі. Жанчыну, якая гаварыла ў мікрафон, што Мілана ўжо з'ехала і паабяцала вярнуцца, закідалі бутэлькамі, пакетамі, смеццем. Мы сталі прабірацца да выхаду, аказалася — ён зачынены, прайшлі праз паркоўку. Некалькі разоў ледзь не згубіліся.

«Народ пачаў выходзіць і паваліў на нас. Вырашылі выбірацца, таму што нас душылі, — апісвае Максім. — Мы выйшлі — з ГЗЦ пайшоў асноўны натоўп. Там было дзесьці 2-3 тысячы чалавек.

Па словах яшчэ аднаго відавочцы, нягледзячы на тое, што блогерка ўжо з'ехала з гандлёвага цэнтра, людзі працягвалі прыходзіць (тыя, хто збіраўся на сустрэчу да 15.00). Людзі, якія сабраліся, скандавалі імя Міланы і патрабавалі, каб яна выйшла. На паведамленні аб тым, што канцэрт адмяняецца, не рэагавалі.

«Калі сітуацыя была некантраляваная, АМАП пачынаў разганяць людзей і пагражаць дзецям, што адбяруць у іх тэлефоны, калі яны не перастануць здымаць», — кажа Ніколь.

Таксама відавочцы паведамляюць, што акрамя АМАПа ў гандлёвы цэнтр прыехалі і супрацоўнікі спецназа, якія таксама заклікалі падлеткаў разысціся.

«Моладзі было столькі, што не ўмяшчаў ГЗЦ, сталі колам травалатары, на вуліцы з парковак не маглі выехаць машыны — усюды дзеці! — эмацыйна расказала адна з работніц гандлёвага цэнтра. — Службаў аховы і бяспекі нуль! У сам уваход ні ўвайсці, ні выйсці, поўны трэш. Ніхто не паклапаціўся ні пра што! Я не ведаю, хто даваў дазвол на гэта. Цісканіна, прычым не абы якая! Пакінутых падлеткаў пры дапамозе гучнагаварыцеля ледзь прымусілі разысціся.

Прабачце, але ад Нямігі (трагедыя ў пераходзе станцыі метро «Няміга» ў 1999-м годзе, дзе ў цісканіне загінулі 53 чалавекі. — Заўв. рэд.) гэты велізарны натоўп быў на адзін крок!»

Колькасць пацярпелых падчас здарэння пакуль невядомая. Па звестках Міністэрства аховы здароўя, да гандлёвага цэнтра прыбылі адна рэанімацыя і пяць брыгад хуткай. Відавочцы пацвярджаюць: бачылі, як на насілках выносілі двух чалавек.

«Мы выйшлі з метро і чакалі нашых сяброў. Было вельмі шмат людзей. Нам сказалі, што задушылі нейкую жанчыну і павезлі на рэанімацыі, — расказаў Данііл. — Пасля гэтага прайшло хвілін сем. Я чую сірэны і каля галоўнага ўваходу выносяць чалавека ў «хуткую».

Паводле інфармацыі Следчага камітэта, па дапамогу да медыкаў звярнуліся пяцёра дзяцей.

Пасля ў тыктоку з'явіўся запіс моманту, як дзеці вылазяць з ліфта, што спыніўся паміж паверхамі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Радар / адказаць
25.09.2022
Лiфт упау ....такая якасьуь таго Лiха
0
Мангол / адказаць
25.09.2022
Гэта не людзі. Гэта тыя, хто не мае гонару. Тлум бязлікіх.
0
Тлумачу / адказаць
25.09.2022
rodo, дык яны самі ў захапленні ад лешчанак ды пугачовых
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31