Прэзідэнт Ірана не прыйшоў на інтэрв'ю CNN праз адмову журналісткі надзець галаўны ўбор
Прэзідэнт Ірана Ібрагім Рамсі адмовіўся ад запланаванага інтэрв'ю з журналісткай CNN Крысціян Аманпур на Генеральнай асамблеі ААН у Нью-Ёрку.
Перад пачаткам інтэрв'ю, якое не адбылося
Раісі спазніўся на 40 хвілін і перадаў праз памочніка просьбу Аманпур надзець на галаву хустку. Журналістка «ветліва адмовілася». У выніку прэзідэнт Ірана не прыйшоў на інтэрв'ю.
Аманпур заявіла, што прыкрывае галаву падчас рэпартажаў у Іране ў адпаведнасці з мясцовымі законамі і звычаямі, але не стане гэтага рабіць для інтэрв'ю за межамі краіны.
Паводле яе слоў, увогуле ніводзін прэзідэнт Ірана ніколі не прасіў яе пакрыць галаву — «ні ўнутры краіны, ні за яе межамі», хоць яна брала інтэрв'ю з кожным з іх пачынаючы з 1995 года.
Крысціян Аманпур — грамадзянка Вялікабрытаніі, але яе бацька родам з Ірана. У іранскай сталіцы Тэгеране яна, хоць і нарадзілася ў Лондане, правяла дзяцінства.
але гэта маленькае фантазійнае мадэляванне сітуацыі было. для занудыстаў (ці як будзе "зануда" па-беларуску?) трэба пэўна пазначаць - "уявіце, што калі б дзесьці на нейкай планеце існавала краіна, дзе 100% нудыстаў..."
хотелось бы услышать в таком разе и божественное значение слово "дурында"