Зяленскі назваў цэль нумар адзін на фронце
Прэзідэнт Украіны у сваім вячэрнім звароце заявіў, што асабліва вострая сітуацыя цяпер складваецца ў Данецкай вобласці, дзе ўкраінскія вайскоўцы з усіх сіл стрымліваюць расійскую армію.
«Менавіта там цяпер наша цэль нумар адзін, бо і для акупантаў Данбас — усё яшчэ цэль нумар адзін», — сказаў ён.
Ён дадаў, што нягледзячы на відавочную бессэнсоўнасць вайны для Расіі і страту акупантамі ініцыятывы, камандаванне расійскай арміі усё роўна гоніць іх на гібель.
«Пастаянныя спробы расійскага наступу на Данеччыне напэўна ўвойдуць у гісторыю войн як адно з самых цынічных забойстваў сваіх жа салдат. Калі бачым гэта, калі бачым гэтыя наступленні, яшчэ раз пераконваемся, што расійская мабілізацыя — гэта адкрытая спроба даць камандзірам на месцах пастаянны паток «гарматнага мяса», — сказаў Зяленскі.
Ён падкрэсліў, што галоўнай задачай для камандавання цяпер з'яўляецца забеспячэнне ўкраінскага войска зброяй і боепрыпасамі.
