Знайсці
28.09.2022 / 13:331РусŁacБел

Амерыканскае пасольства ў Маскве заклікала грамадзян ЗША неадкладна пакінуць Расію

Амерыканскае пасольства, як напярэдадні і іншыя краіны Захаду, заклікала сваіх грамадзян з'ехаць з Расіі. 

«Грамадзяне ЗША павінны адмовіцца ад паездак у Расію, а тыя, хто пражывае або падарожнічае цяпер у Расіі, павінны неадкладна пакінуць краіну, пакуль застаюцца абмежаваныя магчымасці для выезду на прыватнай аснове», — гаворыцца ў паведамленні.

Амерыканскія дыпламаты выказалі асцярогу, што расійскія ўлады могуць не прызнаваць падвойнае грамадзянства Расіі і ЗША і адмовіць такім людзям у доступе да консульскай дапамогі ЗША, перашкодзіць іх выезду з Расіі і заклікаць на вайсковую службу.

«Нагадваем грамадзянам ЗША, што права на мірныя сходы і свабоду слова ў Расіі не гарантуецца. Пазбягайце любых палітычных ці сацыяльных пратэстаў і не фатаграфуйце супрацоўнікаў праваахоўных органаў на гэтых мерапрыемствах. Расійскія ўлады арыштоўвалі грамадзян ЗША, якія ўдзельнічалі ў дэманстрацыях», — папярэдзілі ў амбасадзе.

Учора Балгарыя, Польшча і Эстонія пра тое ж папрасілі сваіх грамадзян. МЗС Балгарыі, напрыклад, прасіла зрабіць гэта, выкарыстоўваючы ўсе магчымыя сродкі перамяшчэння ў сувязі са складанай абстаноўкай.Тым, хто застаецца, параілі «праяўляць павышаную пільнасць, пазбягаць месцаў масавага збору людзей і ўважліва адсочваць развіццё сітуацыі».

Краіны Захаду, відавочна, пачынаюць непакоіцца за бяспеку сваіх грамадзян у Расіі. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
28.09.2022
Да че там неясного. Ожидается что слетевшее с катушек его бункерное величество отдаст таки приказ о применении ЯО. И после этого последует немедленный ответ американцев по объектам на территории РФ.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031