«Газпрам»: Уцечкі з пашкоджаных «Паўночных патокаў» спыніліся
Уцечкі газу з пашкоджаных газаправодаў «Паўночны паток — 1» і «Паўночны паток — 2» спыніліся, ціск стабілізаваўся, паведаміў «Газпрам».
Фота: Guardia Costera Sueca viá AP, Archivo
Цяпер кампанія зніжае ціск у адной з нітак «Паўночнага патоку — 2», адпампоўваючы газ, які знаходзіцца ў трубе.
«Калі будзе прынятае рашэнне пра пачатак паставак па нітцы B «Паўночнага патоку — 2», прыродны газ будзе загружаны ў газаправод пасля праверкі цэласнасці сістэмы і пацвярджэння такой магчымасці нагляднымі органамі», — паведамілі ў «Газпраме».
Выбухі на магістралях газаправодаў «Паўночны паток — 1» і «Паўночны паток — 2» былі зафіксаваныя 26 верасня. Аператар газаправодаў Nord Stream AG адразу ж заявіў пра беспрэцэдэнтныя разбурэнні. Усяго спецыялісты выявілі пяць уцечак на газаправодах «Паўночны паток».
