Знайсці
03.10.2022 / 19:03 1

Мінская прыватная школа, у якой паранілі дзяўчынку, закрылася

Пра гэта 3 кастрычніка паведамілі на афіцыйнай старонцы школы «Смарт Скул» у інстаграме, адзначыўшы, што рашэнне прынялі «па патрабаванні ўпраўлення адукацыі». У каментарах да запісу падпісчыкі пакідаюць смайлы са слязамі і спачувальныя каментары.

Ідэйная натхняльніца школы Ілона Астроўская (доўгі час яна значылася на сайце «Смарт Скул» як заснавальніца) расказала выданню Tochka.by, што ў Беларусі «школы больш няма і не будзе». Таксама Астроўская адзначыла, што ўсе вучні «Смарт Скул» цяпер залічаныя ў дзяржаўныя школы. Сама яна пасля перанесенага сардэчнага прыступу ляжыць у бальніцы.

У сярэдзіне верасня ў школе «Смарт Скул» хлопчык параніў дзяўчынку: страляючы з дзіцячага пісталета, ён трапіў ёй у вока гумовымі шарыкамі. У Следчым камітэце тады паведамілі, што «54-гадовая кіраўніца юрыдычнай асобы і іншыя супрацоўнікі ўстановы ўсяляк спрабавалі схаваць інцыдэнт, не забяспечылі бяспеку правядзення заняткаў і кантроль за паводзінамі выхаванцаў». У дачыненні да дырэктара школы «Смарт Скул» распачалі крымінальную справу.

Пасля начальніца ўпраўлення адукацыі адміністрацыі Цэнтральнага раёна Мінска Іна Камейша сказала, што ў школе знайшлі «парушэнні тэхнічнага характару, і памяшканне, якое пад сталовую, таксама не адпавядала патрабаванням і нормам».

Здарэнне стала падставай для праверак яшчэ некалькіх недзяржаўных устаноў. У выніку 26 верасня паведамлялася аб закрыцці васьмі прыватных школ.

Чытайце таксама:

За тыдзень у Беларусі закрыліся 8 прыватных школ, яшчэ 12 атрымалі прадпісанні аб спыненні дзейнасці

На дырэктарку прыватнай школы, дзе атрымала раненне вучаніца, завялі крымінальную справу

У мінскай прыватнай школе адно дзіця стрэліла ў другое 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Мойша / адказаць
03.10.2022
А ў дзяржаўных колькі ўсяго адбываецца і што? Дзе хоць якога дырэктара пасадзілі?
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31