Знайсці
04.10.2022 / 16:00

Ператрусы па пяці адрасах. Падрабязнасці затрымання журналіста Яўгена Меркіса

Гомельскага журналіста Яўгена Меркіса затрымалі 13 верасня ў межах крымінальнай справы. Пасля шэрагу ператрусаў Яўген знаходзіцца ў гомельскім СІЗА №3. Расказваем некаторыя дэталі гэтай справы.

Фота: асабісты архіў

Пачаткова з'явілася інфармацыя, што журналіста вінавацяць у закліках да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь (ч. 1 арт. 361 Крымінальнага кодэкса).

Аднак цяпер журналіста вінавацяць па частцы першай артыкула 361-4 Крымінальнага кодэкса (садзеянне экстрэмісцкай дзейнасці).

Па гэтым артыкуле Меркісу пагражае пакаранне ў выглядзе абмежавання волі на тэрмін да чатырох гадоў або пазбаўлення волі на тэрмін ад двух да шасці гадоў. Пад экстрэмісцкай дзейнасцю ў сучаснай Беларусі фактычна лічыцца журналісцкая праца. Рэдакцыі такіх выданняў, напрыклад, як «Наша Ніва», Радыё Свабода, Белсат, Еўрарадыё, прызнаныя ўладамі экстрэмісцкімі фармаваннямі.

Верагодна, на Меркіса будуць заведзены крымінальная справы і па іншых артыкулах. Адвакат Меркіса знаходзіцца пад падпіскай аб неразгалошванні.

Як стала вядома «Нашай Ніве», у межах гэтай крымінальнай справы

сілавікі правялі не менш за 5 ператрусаў па розных адрасах. Ператрусы адбываліся 13 і 14 верасня. У здымную кватэру журналіста сілавікі прыходзілі двойчы. Прычым другі раз гэта адбылося ўжо пасля таго, як ягоныя рэчы былі вывезеныя з кватэры, а ў самім памяшканні знаходзіліся супрацоўнікі клінінгавай кампаніі. 

Падчас ператрусу ў кватэры, дзе жыў Яўген, сілавікі забралі тэлефон, ноўтбук, камеры і іншую тэхніку. Лісты ад Меркіса пакуль нікому не прыходзілі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30