Знайсці
04.10.2022 / 19:34 2

Па справе «Белагра» затрымалі 20 чалавек, ім шыюць як палітычныя, так і эканамічныя артыкулы

Прэс-служба МУС надрукавала ў сваім тэлеграм-канале прэс-рэліз, з якога можна даведацца новыя падрабязнасці справы «Белагра», якая стала разгортвацца пасля таго, як 29 верасня ў офіс гэтай арганізацыі прыйшоў ГУБАЗіК. Прынамсі, стала вядома, колькі супрацоўнікаў затрымалі і на падставе якіх абвінавачанняў над імі збіраюцца чыніць расправу.

Першапачаткова, як сцвярджае прэс-служба МУС, у поле зроку ГУБАЗіКа патрапіў тэлежурналіст Дзмітрый Семчанка, які пасля звальнення з АНТ уладкаваўся прэс-сакратаром менавіта ў «Белагра» — пастаўшчыка беларускай сельгастэхнікі і запчастак у краіны СНД.

Пасля затрымання Семчанкі сілавікі прыйшлі ў саму кампанію, дзе затрымалі ажно 20 яе супрацоўнікаў. Сцвярджаецца, што падчас ператрусу ў офісе фірмы, маўляў, выяўлена і канфіскавана вялікая колькасць нацыянальнай атрыбутыкі і сімволікі, ды «нават мэбля там была падабрана ў адпаведнай каляровай гаме».

Кіраўніцтву і работнікам «Белагра» закідаюцца стандартныя для большасці палітвязняў абвінавачанні: удзел у пратэстах 2020 года і цяперашняе «ўзаемадзеянне з экстрэмісцкімі рэсурсамі».

У дачыненні да затрыманых складзеныя адміністрацыйныя пратаколы, а таксама «зарэгістраваныя матэрыялы па прыкметах складаў злачынстваў: за распальванне сацыяльнай варожасці або варожасці; актыўны ўдзел у дзеяннях, якія груба парушаюць грамадскі парадак; удзел у дзейнасці экстрэмісцкага фарміравання». Гэта азначае, што прынамсі частцы затрыманых пагражае палітычны пераслед па крымінальных артыкулах. 

Акрамя таго, дырэктару арганізацыі збіраюцца таксама інкрымінаваць «дачу хабару службовай асобе фірмы-партнёра за перамогу ў тэндэры», а ў аднаго з супрацоўнікаў «выяўленая марыхуана».

Чытайце таксама:

«Кабінет генеральнага дырэктара навыварат вывернулі». Сталі вядомыя падрабязнасці пагрому ў «Белагра»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Справка / адказаць
05.10.2022
Руководство - это всего лишь нанятые менеджеры. Что с учредителями?
0
Sos / адказаць
05.10.2022
Директору организации также инкриминируют «дачу взятки должностному лицу компании-партнера за победу в тендере», а у одного из сотрудников «была обнаружена марихуана». ХА- ХА- ХА. Курсы руководителей никто не отменял...
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31