Знайсці
07.10.2022 / 08:28

ISW: Іранскія дроны-камікадзэ — не «Хаймарсы» і на ход вайны істотна не паўплываюць

Амерыканскі інстытут вывучэння вайны (ISW) у чарговай зводцы піша, што выкарыстанне Расіяй іранскіх дронаў не дае ёй эфекту, параўнальнага з тым, што аказалі на ход вайны ракетныя ўстаноўкі HIMARS, якія з'явіліся ва ўкраінскай арміі.

Дрон-камікадзэ на вучэннях у Іране. Фота: АР

«Расійская армія, падобна, не спрабуе асіметрычна канцэнтраваць удары гэтых дронаў на вузлавых пунктах паблізу фронту. Яны запусцілі шмат дронаў па неваенных цэлях у тыле, верагодна, спадзеючыся шляхам тэрору дамагчыся нелінейнага эфекту. Гэтыя дзеянні поспеху не прыносяць», — піша ISW.

Украінцы, атрымаўшы летам амерыканскія «Хаймарсы», сталі выкарыстоўваць іх дакладныя і дальнабойныя ракеты для ўдараў перш за ўсё па складах боепрыпасаў, камунікацыях і штабах у тыле расіян і, як лічаць ваенныя эксперты, шмат у чым дзякуючы гэтаму здолелі пераламаць сітуацыю на франтах.

Выкарыстанне ж Расіяй беспілотных лятаючых апаратаў іранскай вытворчасці не прыводзіць да асіметрычных эфектаў, як гэта адбылося з выкарыстаннем Украінай прадастаўленых ЗША сістэм HIMARS, і наўрад ці істотна паўплывае на ход вайны.

Паводле звестак украінскага Генштаба Украіны, расійскія войскі выкарысталі 86 іранскіх беспілотнікаў Shahed-136 супраць Украіны, 60% з якіх украінскія сілы знішчылі.

Калі сцвярджэнні ананімнага супрацоўніка амерыканскай выведкі ў канцы жніўня былі верныя, то Іран, хутчэй за ўсё, прадаставіў Расіі «сотні» беспілотных лятальных апаратаў, а Расія выкарыстала ўжо значную частку дронаў.

Чытайце таксама:

Іранскія дроны кінулі выклік украінскай СПА

Украінцы паказалі начынку іранскага беспілотніка. Выявілася, што ў ім стаіць заходняя электроніка

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31