Знайсці
07.10.2022 / 08:52

За дзень да адкрыцця адмянілі Беларускі тыдзень моды. Прапагандысты абвінавацілі «мадэльераў і мадэлей» у «модзе на экстрэмізм»

У Мінску адмянілі «Беларускі тыдзень моды» (Belarus Fashion Week), галоўнае мерапрыемства мінскай моднай індустрыі, якое павінна было стартаваць у пятніцу. На гэта звярнула ўвагу «Зеркало». А напярэдадні ў дзяржвыданні «СБ» з'явіўся артыкул, дзе арганізатараў і асобных удзельнікаў «Беларускага тыдня моды» абвінавацілі ў «трэндзе на антыдзяржаўнасць» з-за ўдзелу ў пратэстах 2020 года.

Фота: belarusfashionweek / vk.com

Інфармацыю аб адмене Belarus Fashion Week, якая мелася прайсці 7—9 кастрычніка, пацвердзілі ў сацсетках арганізатары. Яны патлумачылі, што імпрэза не адбудзецца «па тэхнічных прычынах».

«Мы прыклалі максімум намаганняў, каб вырашыць пытанні, якія ўзніклі, але, на жаль, не змаглі паўплываць на сітуацыю», — гаворыцца ў паведамленні. 

Напярэдадні ў дзяржаўнай газеце «СБ — Беларусь сегодня» з'явілася публікацыя, якая распавядае пра «Беларускі тыдзень моды». Аўтар калонкі, прапагандыст Раман Рудзь абвінаваціў некаторых беларускіх куцюр'е ў тым, што ў 2020 годзе яны «раптам адклалі ў бок нажніцы і ніткі з іголкамі, з разбегу акунуўшыся ў «рэвалюцыйную смуту». 

«Цвярдзілі аб паліцэйскай самаўпраўнасці і гвалце, лаялі выбары і жадалі ўсякага нядобрага лідару краіны. А таксама пікетавалі на прыступках Дома мадэляў, выстройваліся ў ланцугі ўздоўж праспекта, скандавалі лозунгі, размахвалі плакацікамі і бчб-сцягамі», — апісвае Рудзь «грахі». 

Сярод «удзельнікаў незаконных перформансаў» аўтар назваў кіраўніка тыдняў моды Яніну Ганчарову, дызайнера Івана Айтплатава, модную экспертку Вольгу Жадзееву і іншых.

Прапагандыст таксама задаўся пытаннем, чаму модная індустрыя ў краіне «аддадзеная на водкуп выключна прыватнікам».

«Юнаму дызайнеру амаль няма куды падацца, акрамя як на подыум гэтага шоу, якое ў адзін нешчаслівы момант зноў можа перафарбавацца ў бела-чырвона-белыя колеры», — піша Рудзь. 

«Ёсць жа ў нас Нацыянальная школа прыгажосці. Ёй бы і швейную машынку ў рукі разам са спадарожнымі праектамі. Дарэчы, раней гэтая арганізацыя праводзіла папулярны «Мінскі тыдзень моды», а ў наступным годзе, наколькі я чуў, плануе ўзнавіць гэтае мерапрыемства», — дадае прапагандыст.

Беларускі тыдзень моды (Belarus Fashion Week) — міжнароднае мерапрыемства для папулярызацыі дызайнерскага адзення ў Беларусі. Яно праводзіцца з 2011 года і збірае вытворцаў, закупшчыкаў, мадэльераў і дызайнераў для наладжвання прафесійных сувязей, абмеркавання супрацоўніцтва, прэзентацыі сваёй дзейнасці і развіцця моднай індустрыі. У гэтым годзе Belarus Fashion Week павінен быў прайсці на кінастудыі «Беларусьфільм» з 7 па 9 кастрычніка.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30