Знайсці
23.10.2022 / 10:22 31

«Чалавек у футарале». Стылістка прааналізавала стыль Наталлі Качанавай 

Старшыня Савета Рэспублікі звычайна з’яўляецца на публіцы ў аднатонным касцюме і туфлях на абцасах. У макіяжы Наталля Качанава які ўжо год выкарыстоўвае памаду карычневага тону. Стылістка Ганна Прышывалка разабрала для «Нашай Нівы» лукі топ-чыноўніцы і іх змену на розных этапах яе кар’еры. 

«Надае вялікае значэнне свайму гардэробу»

Стылістка Ганна Прышывалка кажа, што Качанава — «чалавек у футарале». Яна вельмі стараецца адпавядаць свайму статусу і ўзросту. 

«Яна добра ведае сваю фігуру, няма нейкіх рэчаў, якія б на ёй не сядзелі, — кажа стылістка. — Большасць беларускіх чыноўнікаў у плане свайго выгляду затрымаліся ў мінулым. Зразумела, што ёсць афіцыйна-дзелавы стыль, але калі мы паглядзім на еўрапейскіх палітыкаў, тыя выглядаюць зусім інакш.

Тэрэза Мэй, прэм'ер-міністр Вялікабрытаніі з 2014 па 2019. Фота: сацсеткі

Урсула фон дэр Ляйен, старшыня Еўрапейскай камісіі. Фота: сацсеткі

Цяпер, напрыклад, модна насіць нешта вельмі структураванае, з падкрэсленай лініяй плячэй. У вобразах Качанавай аб трэндавасці гаворкі не ідзе». 

Эрна Солберг, прэм'ер-міністр Нарвегіі з 2013 па 2021. Фота: сацсеткі

Касцюмаў і ўбораў у Качанавай шмат. Ганна Прышывалка адзначае, што чыноўніца надае вялікае значэнне свайму гардэробу, выгляду.

«Ангела Меркель, напрыклад, магла сабе дазволіць у адным і тым жа плашчы з'яўляцца на публіцы цягам 10 гадоў. Яе гэта не бянтэжыла. У Качанавай жа інакш», — кажа яна. 

Вобразы Наталлі Качанавай мяняліся. У пачатку кар'еры яна выбірала касцюмы з мінімальнымі каляровымі акцэнтамі.

Фота: novopolotsk.by

«Яе стыль, хутчэй за ўсё, трансфармаваўся па меры прафесійнага росту, фінансавага становішча.

Месцамі яе кідае, ёсць моцныя кантрасты: ад поўнай адсутнасці дэкору да яго наяўнасці. Магчыма, яна была ў пошуку свайго.

Сярод фатаздымкаў кінуўся ў вочы яе касцюм непрыемнага бэжава-шэрага колеру. Сядзіць ён на ёй добра, але абсалютна не пасуе. Колер твару становіцца шэрым. 

Яе касцюмы недарагія, у мяне ўражанні, што, хутчэй за ўсё, іх шые «Элема», — мяркуе стылістка. 

Ганна Прышывалка заўважае, што Наталля Качанава любіць абіраць светла-блакітныя, шэрыя адценні. Так яна спрабуе гуляць на кантрасце сваёй цёплай знешнасці. 

«Адназначна ёй не пасуюць шэра-зялёны колер, карычневы, бардовы. Яны яе стараць або ў цэлым дрэнна ўплываюць на знешнасць. Яе колеры — чорны, бэжавы.

Ёсць некалькі старых зусім няўдалых лукаў. Чорная сукенка, шэры пінжак, высокія боты. Ці, напрыклад, бардовы пінжак, які спрабавалі неяк арыгінальна пашыць, але не атрымалася.

Яе ўдалы лук — нядаўні бэжавы касцюм. Ён тотал, што добра заўсёды глядзіцца. Сам вобраз ёй неўласцівы.

Добрая мадэль штаноў, падаўжаюць саму прапорцыю, яна выглядае больш зграбнай», — расказвае яна. 

«Зрабіла б ёй складанае афарбоўванне»

Стылістка кажа, што па Качанавай складана вызначыць яе ўзрост: на ранейшых фатаздымках яна выглядае практычна гэтаксама, як у 2022-м. Прычоска і макіяж аднолькавыя.

На святочных мерапрыемствах, напрыклад, на навагоднім балі, Качанава з’яўляецца ў вечаровай сукенцы.

Фота: БелТА

«Сукенка на балі не вельмі ўдала на ёй сядзіць, — лічыць стылістка. — Але ў цэлым выбар для жанчыны яе гадоў на такое мерапрыемства вельмі нядрэнны. Яе бальныя вобразы я б крытыкаваць не стала. Там бачна і па прычосцы, і па макіяжы, што з ёй працавалі стылісты». 

Макіяж і прычоска ў Наталлі Качанавай не перажываюць ніякіх змен. Стылістка кажа, што так фарбавацца было модна ў 1980—1990-я.

«Больш за ўсё я не разумею, што ў нашых жанчын-чыноўніц з тварамі. Яны выглядаюць па-мужчынску, прысутнічае там горыч.

Падабаецца ёй карычневага колеру памада, якая надае яе твару зямлістае адценне. Асабліва дрэнна гэтая памада выглядае ў спалучэнні з блакітным касцюмам. З плюсаў — не малюе бровы», — разважае стылістка. 

Фота: БелТА

Ганна Прышывалка парэкамендавала б чыноўніцы адмовіцца ад карычневай памады, рабіць макіяж больш лайтовым. 

«Таксама зрабіць карацейшай стрыжку. Гэта пасуе жанчынам ва ўзросце, а ў яе яшчэ цяжкая ніжняя частка твару, не хапае натуральнага аб'ёму. Яшчэ лепш змяніць колер на больш светлы, зрабіла б ёй складанае афарбоўванне.

У адзенні трымацца цёплых адценняў і сыходзіць у стыль па прынцыпе таго бэжавага касцюма. Паспрабаваць насіць двухбортныя пінжакі.

Хаця, калі б я была стылістам па той бок барыкадаў, таксама б так яе апранула. Таму што Качанава робіць уражанне на тую публіку, якая такая ж самая, як яна. У такіх жа, умоўна, касцюмах, з такім жа густам. Яны глядзяць на яе і думаюць, што яна свая. 

З пункту гледжання яе ролі ў Беларусі ў цэлым вельмі правільны вобраз, па дзяржаўным стандарце», — падсумоўвае стылістка. 

Чытайце таксама: 

«Пуцяводная зорка ў шалёным патоку сусветнай гісторыі». Пачытайце, якую бязглуздзіцу генеруе Качанава

Калі Качанава апошні раз ела кнедлікі?

Чаго не ўлічвае Наталля Качанава? Эканаміст Львоўскі расказаў, калі апусцеюць паліцы крамаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Железный Дровосек / адказаць
24.10.2022
Наша Нива, СПК Кооперативное предприятие Год основания: 1929 Поп №2 По существу вашего вопроса имею сообщить следующее: задолго до своего рождения я начал трудовую вахту в совхозе «светлый путь ильича» на должности младшего помощника заместителя машиниста башенного крана в столовой облпотребкоопсоюза, о чем есть соответующая запись в тк и грамота второй степени. После чего был переведён на должность бригадира учетчиков цеха горячей продувки и выдувки аргона через ксенон под давлением тяги обратного отжатая фестона. За что получил грамоту третьей степени. Приходите к нам в бригаду! Не пожалеете!
2
шуткатуршчыца / адказаць
24.10.2022
о. дзякуй. люблю  ̶б̶е̶з̶башэнных мужыкоў. а кім я буду ў вас працаваць? брыгадзіраўуштабеляўкладчыцай? а якая расплата?
0
прабіральшчыца / адказаць
24.10.2022
якая ўсё-ткі своечасовая прапанова... а тое каторы ўжо дзень думаю, калі шэў і замшэў дапякуць - пайду ў прыбіральшчыцы ў гэты будынак, папрашуся на гэты паверх, буду мужчынскі сарцір мыць. а калі яны будуць заходзіць, буду на іх араць - "чаго ссыце!?" міма рукамыйніка. і анучай-анучай па попе ім
Железный Дровосек , дзякуй. вы зрабілі маю дарогу сёння не сумнай) але людзі касіліся - чаго яна так іржэ? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28