Знайсці
05.11.2022 / 17:4323РусŁacБел

Прэс-сакратарка Мінархітэктуры ходзіць у Chanel, Burberry, Yves Saint Laurent — арыгінал ці падробка?

Прэс-сакратарка Міністэрства архітэктуры і будаўніцтва Анастасія Рудзкая любіць дарагія брэнды. Ці гэта не сапраўдны люкс?

Фота: сацыяльныя сеткі

У брэндавай сукенцы прэс-сакратарку заўважылі на мінулым тыдні на форуме маладых журналістаў, дзе сабраліся прадстаўнікі дзяржаўных СМІ. Лагатып Chanel, але… У арыгінальнай сукенцы брэнда кішэні пашытыя зусім не так.

«Відаць, што для чорнай сукенкі выкарыстаныя белыя ніткі. Такога проста не можа быць у арыгінале, гэта недапушчальна, — заўважае стылістка, да якой звярнулася «Наша Ніва». —

Фота: скрын з сайта Chanel

На шыі, хутчэй за ўсё, таксама не арыгінал: такой формы хусткі ў Chanel я яшчэ не сустракала. Звычайна яны заўсёды квадратныя. Яшчэ хустка на фота мае падазроны бляск — сапраўдны шоўк не будзе блішчэць. Хутчэй за ўсё, хустка зроблена з паліэстэру».

Фота: сацыяльныя сеткі

Сукенка нібыта ад Burberry, верагодна, таксама не з'яўляецца арыгіналам. У надпісе брэнда другая і апошняя літары напісаныя не так, у арыгінале шрыфт справа больш тонкі. 

Фота: скрын з сайта Burberry

Сумка Yves Saint Laurent выглядае як копія. У арыгінале ў сумкі скура глянцавая, тут — больш матавая. 

Фота: скрын з сайта Yves Saint Laurent

«Таксама незразумела, што на гузіках. У Burberry — знак рыцара або назва брэнда. У арыгінале гузікі пляскатыя, тут яны выпуклыя», — тлумачыць стылістка. 

Фота: сацыяльныя сеткі

Яшчэ адна сукенка з лагатыпам Chanel таксама падобная да копіі. Пры стыкоўцы швоў у арыгінале ўсё павінна супадаць. Тут малюнак разыходзіцца (гэта заўважна, калі прэс-сакратарка падымае руку).

Фота: скрын з сайта Chanel 

Хто такая Анастасія Рудзкая?

Дзяўчына нарадзілася ў Баранавічах. У 2021-м скончыла факультэт журналістыкі БДУ па спецыяльнасці «друкаваныя СМІ». 

Яшчэ ў студэнцтве яна пачала працаваць на БТ, была карэспандэнткай у праграме «Добрай ранiцы, Беларусь!» на «Беларусь 1» і вядучай «Ничего себе ньюз» на «Беларусь 2».

Фота: сацыяльныя сеткі

«Самымі запамінальнымі выдаліся здымкі рэпартажа пра спецназ, — расказвала яна ў інтэрв’ю «Народнай газеце». — Я прымярала экіпіроўку, пераадолела паласу перашкод і нават страляла са зброі. Не магу забыць здымкі ў Вайсковай акадэміі. Там я ўпершыню палятала на верталёце. Эмоцыі білі цераз край!»

У лютым 2021-га, праз пару месяцаў пасля фальсіфікацый і зверстваў 2020-га, Рудзкая была мадэратаркай сустрэчы Лукашэнкі са студэнтамі.

На ёй Лукашэнка падарыў дзяўчыне ручку.

Фота: «СБ. Беларусь сегодня» 

«Дзе знаходзіцца зараз ручка, не скажу, бо ў мяне ж могуць быць сакрэты?

Скажу толькі, што захоўваю яе ў надзейным месцы. Гэтая ручка стане маім талісманам», — гаварыла Рудзкая ў інтэрв’ю «Знамя юности». 

Таксама яна расказвала, што пасля сустрэчы з Лукашэнкам на яе «абрынулася хваля хейту».

Абурыліся прысутнасцю Рудзкай на сустрэчы з Лукашэнкам у тым ліку яе аднакурснікі. Тады Рудзкая стала пагражаць студэнтам, што напіша на іх заявы ў міліцыю.

Фота: «СБ. Беларусь сегодня»

«Але цёплых слоў у мой адрас паступіла ў разы больш, — дзялілася яна. — Мне тэлефанавалі блізкія, настаўнікі, былыя аднакласнікі, казалі, што вельмі мной ганарацца. Прыходзілі і да гэтага часу прыходзяць паведамленні нават ад незнаёмых людзей, яны падтрымліваюць і матывуюць рухацца далей». 

Дзялілася яна і сваімі ўражаннямі ад сустрэчы з Лукашэнкам. 

«​​Гэта быў вельмі карысны дыялог, — казала яна «СБ. Беларусь сегодня». — Акрамя таго, выдатная інтэрактыўная пляцоўка для таго, каб кожны студэнт мог выказацца. Мы атрымалі адказы на самыя хвалюючыя пытанні. Тыя, якія зараз у большай ступені хвалююць моладзь і ўсё студэнцтва. Бо ў нейкай меры менавіта яны фарміруюць вызначаны вектар для руху наперад. Вельмі крута, што разам з намі былі і студэнты з рэгіёнаў. 

Акрамя таго, весці мерапрыемства такога маштабу, не буду хаваць, было дастаткова хвалююча. Аднак, нягледзячы на ​​тое, што на сустрэчы ўздымаліся важныя тэмы, у тым ліку палітычнага характару, у аўдыторыі панавала дружалюбная атмасфера».

Нядаўна Анастасія Рудзкая перайшла з БТ на пасаду прэс-сакратаркі ў Міністэрства архітэктуры і будаўніцтва. 

Чытайце таксама: 

Працавала на тэлеканалах Медзведчука. Хто такая Надзея Сас — новая прапагандыстка СТБ

«Галоўнае, як сказаў кіраўнік дзяржавы, — «раздзявацца і рабіць». Хто такі Мікіта Палякевіч — новы твар АНТ

Наталля Немагай з АНТ вырашыла асабіста паглядзець, як дэградавала Еўропа ФОТА

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Чалавек/адказаць/
07.11.2022
Калісьці быу міністр будаўніцтва Нічкасаў, яго акруціла сакратарка і стары ёлупень пабраўся шлюбам з гэтай малой. Яна стала дырэктарам фірмы і строіла нешта у беларускім пасольстве. Але кгдк найшоў там бюджэтныя страты і тады Нічкасаў збег паслом у Казахстан. Так і гэтая шукая обара..
0
Много шума из ничего/адказаць/
07.11.2022
Вульгарная тётенька с не очень умным выражением лица.Идеально под китайский абибас.
0
Мангол/адказаць/
07.11.2022
Бабаяк баба. Для рэгіёншчыкаў.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера