Знайсці
09.11.2022 / 21:1221РусŁacБел

«Звольніце Багдановіча, аддзяліце «Інфапойнт». Былая рэдактарка ЧКБ апублікавала патрабаванні да Франака Вячоркі

Яніна Сазановіч, былая рэдактарка «Чорнай кнігі Беларусі», напісала адкрыты ліст да дарадцы Ціханоўскай. Яна лічыць, што гісторыю з агентам, які ўкараніўся ў арганізацыю і праз якога затрымалі шмат людзей, замоўчваюць.

Нагадаем коратка гісторыю. У ЧКБ (ініцыятыву па апублічванні даных тых, хто датычны да рэпрэсій) змог укараніцца супрацоўнік ГУБАЗіКа Артур Гайко. Ён атрымаў доступ да чатаў, кантактаў інфарматараў, а таксама нейкі час нават кіраваў арганізацыяй. Адзін з супрацоўнікаў ЧКБ — Даніла Багдановіч — не верыфікаваў агента належным чынам і ігнараваў сігналы калег аб падазронасці новага чальца каманды. 

Гайко таксама атрымаў доступ да працы агенцтва «Інфапойнт», стваральнікам якога быў Франак Вячорка. 

Чытайце падрабязней: Губазікавец дзевяць месяцаў быў у камандзе Чорнай кнігі Беларусі. І ўрэшце ўзначаліў яе

Яніна Сазановіч пазней сышла з ЧКБ.

У адкрытым лісце яна звяртае ўвагу на некалькі важных фактаў у гэтай гісторыі.

«У Артура быў доступ да ўсіх чат-ботаў каналаў (асноўны канал «Чорнай кнігі Беларусі» і ўсе вобласці) і ўсёй інфармацыі, якая туды паступала, да лета 2021 года. Больш за тое, у Гайко быў поўны архіў дасланай інфармацыі з прывязкай да ID тэлеграма. Гайко працаваў і з Офісам Ціханоўскай і, хутчэй за ўсё, меў доступ да іх рэсурсаў. У мяне ў распараджэнні ёсць аўдыязапіс, дзе Гайко распавядае аб стварэнні аналітычнага цэнтра пры Офісе Святланы Ціханоўскай, куды павінна будзе ўвайсці і ЧКБ», — піша Яніна.

Па яе словах, у нейкі час агенту было прапанавана павышэнне, пасля якога ён стаў адказваць за бяспеку сеткі «Інфапойнт». Артур таксама прысутнічаў на агульных званках па парадку дня каналаў.

Супрацоўнік ГУБАЗіКа Артур Гайко быў укаранёны ў «Чорную кнігу Беларусі»

Пасля таго, як высветлілася, што Гайко — супрацоўнік ГУБАЗа, быў створаны чат «Інфапойнт без ГУБАЗа». Яніна кажа, што Вячорка, які таксама быў у гэтым чаце, мог уплываць на палітыку каналаў, якія ўваходзяць у сетку.

Даніла Багдановіч, які падтрымліваў кантакт з Гайко, дагэтуль працуе ў «Інфапойнце».

Яніна Сазановіч выказала некалькі патрабаванняў да Франака Вячоркі:

«1. Аказаць фінансавую дапамогу сем'ям затрыманых інфарматараў ЧКБ.

2. Аказаць поўнае садзейнічанне ў эвакуацыі тых інфарматараў, якіх пакуль не арыштавалі.

3. Адхіліць ад працы ў «Інфапойнце» людзей, якія ўваходзяць у Офіс Святланы Ціханоўскай, каб прыбраць цэнзуру, выключыць канфлікт інтарэсаў і ўплыву палітыкаў на СМІ, што дазволіць медыя працаваць непрадузята і аб'ектыўна.

4. Неадкладна адхіліць ад любой працы, звязанай з апазіцыйнай дзейнасцю, Данілу Багдановіча і іншых вінаватых — у сувязі са знаходжаннем агента ў камандзе, а таксама тых, хто наўмысна хаваў гэтую інфармацыю. У тым ліку правесці з імі разбіральніцтва з боку спецыяльных службаў краіны знаходжання.

Галоўнае патрабаванне — перастаць хлусіць, абяляць сябе і замоўчваць пра памылкі, якія прыводзяць да трагедый для людзей як унутры Беларусі, так і за яе межамі!

Зрабіць працу над памылкамі і публічную справаздачу па яе выніках».

У каментары «Наша Ніве» Франак адказаў, што лепш з гэтымі пытаннямі звяртацца да «Інфапойнта», бо ён цяпер не мае да яго дачынення.

Чытайце па тэме:

«Казаў, што ў яго маці ў закладніках і мы нічога не разумеем». Былая рэдактарка ЧКБ пра сітуацыю з агентам у камандзе

Сілавікі затрымалі галоўнага спецыяліста Мінадукацыі, абвінавачваюць у перадачы звестак ЧКБ

Пракурор, супрацоўнік банка, начальнік аддзела Life. Каго маглі затрымліваць па справе «Чорнай кнігі Беларусі», дзе працаваў агент ГУБАЗіКа

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
Пціч/адказаць/
11.11.2022
А чаму я нідзе не знаходжу тут меркавання рэдакцыі Нашай Нівы?
2
азаронак я ваш)/адказаць/
12.11.2022
nata, ну гэны офіс у ліцэ рукавадзяцелкі добра патроліў азаронак) і не толькі...

12.11.2022
кто-нибудь из достопочтенной публики НН объяснит наконец мне, почему (задолго до 2020 г.) как только на форуме заходила речь про франака, то паважанае спадарства набрасывалось с кулаками на него... я (несведущая) недоумевала - ну как же так? ведь с одного же вроде бы фронта...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера