Знайсці
10.11.2022 / 16:593РусŁacБел

Справу Дануты Перадня, асуджанай да 6,5 гадоў калоніі, будуць разглядаць па-новаму

У Магілёўскім абласным судзе 21 лістапада ў парадку першай інстанцыі будзе разгледжана справа супраць 20-гадовай студэнткі Дануты Перадня па тых жа артыкулах Крымінальнага кодэкса (ч. 3 арт. 361, ч. 1 арт. 368), па якіх яе ўжо асудзілі 4 ліпеня ў судзе Кіраўскага раёна да 6,5 гадоў калоніі.

Юрысты «Вясны» адзначаюць, што крымінальная справа супраць Дануты не была падсудна раённаму суду, таму суд Кіраўскага раёна не мог разглядаць яе — гэта парушэнне заканадаўства.

Нагадаем, у віну дзяўчыне паставілі тое, што яна 27 лютага перапосціла ў адзін з магілёўскіх чатаў тэкст, у якім у рэзкай форме крытыкаваліся дзеянні Пуціна і Лукашэнкі па развязванні вайны ва Украіне. Таксама там утрымліваўся заклік да вулічных выступленняў і канстатавалася адсутнасць перспектыў у беларускай арміі ў выпадку яе прамога ўступлення ў вайну.

Нагадаем, Данута была затрымана 28 лютага 2022 года, калі прыехала на маршрутцы з Кіраўска ў Магілёў. Супраць дзяўчыны была заведзена крымінальная справа па арт. 361 КК (Заклікі да дзеянняў, накіраваных на прычыненне шкоды нацыянальнай бяспецы) і арт. 368 КК (абраза Лукашэнкі).

Данута — студэнтка-выдатніца. Вучылася на рамана-германскай філалогіі ў Магілёўскім дзяржаўным універсітэце імя Куляшова, адкуль яе адлічылі пасля затрымання ў лютым 2022 г.

10 чэрвеня 2022 года КДБ дадаў яе ў спіс «асоб, якія маюць дачыненне да тэрарыстычнай дзейнасці».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Гэта суцэльны гамон/адказаць/
10.11.2022
Заклік, абраза і за гэта 6.5 год???? Маразм, ды за гэта максімум штраф ці год умоўна!
0
Павлик/адказаць/
11.11.2022
Гэта суцэльны гамон, почему вы такие как дети малые читатели нашай нивы....ты где живешь лелик? В Беларуси тоталитаризм и нас убивают. А вы пишите детские комментарии...

Беларусы еще догнали, что пока вы платите налоги, ходите на свои работки за крошки, вас будут уничтожать и репрессировать.

Либо они, либо мы.
0
Кажан /адказаць/
12.11.2022
Гэта суцэльны гамон, Які там штраф ці умоўна? Гэта нелегітвмны, бандыцка-паханаўскі рэжым. Нават, каб ён ў легітымны дык за такое ня содзюць. Максымум, што можна можна зрабіць калі некаму, нешта не падабаецца дык гэта выклікаць на "гутарку". Але гэта не ў прынцыпах дэмакратыі.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера