Знайсці
13.11.2022 / 11:3946РусŁacБел

Расійскі канал зняў на відэа жахлівае пакаранне вагнераўца, які здаўся ў палон

Звязаны з ПВК Вагнера тэлеграм-канал апублікаваў відэа забойства кувалдай былога зняволенага, якога завербаваў асабіста Прыгожын.

Скрыны з відэа

Яўген Нужын адбываў пакаранне ў папраўчай калоніі ў Разані. Ён быў асуджаны на 24 гады за забойства, знішчэнне чужой маёмасці, хуліганства і спробу ўцёкаў з месцаў пазбаўлення волі.

Расійская армія, якая панесла вялізныя страты ў жывой сіле, пачала вербаваць на вайну зняволеных у сярэдзіне 2022 года. Зэкам узамен абяцаюць свабоду пасля сканчэння вайны. Зняволеных адпраўляюць у састаў прыватнай ваеннай кампаніі «Вагнер» — насамрэч, псеўдапрыватнай, бо падкантрольнай Мінабароны Расіі. Узначальвае яе Яўген Прыгожын — былы кухар Уладзіміра Пуціна, чалавек з найбліжэйшага кола прэзідэнта Расіі.

Вярбоўка зэкаў стала сімптомам таго, наколькі крытычная сітуацыя расійскай арміі. Звычайна ў войска крымінальнікаў не бяруць, а тым больш асуджаных за цяжкія злачынствы.

Пасля таго як Нужын апынуўся на фронце, ён трапіў у палон да ўкраінцаў і даў інтэрв'ю ўкраінскаму журналісту Юрыю Бутусаву. У ім палонны заявіў, што здаўся ўкраінцам, каб ваяваць у легіёне «Свабода Расіі». 

На відэа, апублікаваным каналам, звязаным з вагнераўцамі, Нужын распавядаў, што ў Кіеве яго ўдарылі па галаве, ён страціў прытомнасць і прыйшоў у сябе ўжо ў новым палоне. Яму сказалі, што «будуць судзіць». На гэтых словах мужчыну разносяць галаву кувалдай.

Украінскія каналы пішуць, што Нужына ніхто не выкрадаў. Яго вярнулі ў Расію ў рамках абмену палоннымі.

ПВК Вагнера раней учыняла дасудовыя казні ў Сірыі.

Заснавальнік групоўкі Вагнера Яўген Прыгожын пазней цынічна пракаментаваў відэа:

«Я выбіраю глядзець гісторыю ў тэатры. Што тычыцца акувалдаванага, то ў гэтым шоу відаць, што ён не знайшоў шчасця ва Украіне, а сустрэўся з нядобрымі, але справядлівымі людзьмі. Мне здаецца, гэты фільм называецца «Сабаку — сабачая смерць». Выдатная рэжысёрская праца, глядзіцца на адным дыханні».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Нина/адказаць/
17.11.2022
В качестве дополнения к тому, что я уже писала: прочитайте материал BBC https://www.bbc.com/russian/features-63656584 Лучше бы, конечно, процитировать, но выйдет слишком много. Заявления украинской стороны, что он подписал согласие на обмен, противоречат тому, что он говорил о своих намерениях: сначала хотел сдаться и воевать на стороне Украины, потом захотел вернуться в рф (понимая, что там уже известно все им сказанное; он что, идиот?)? Это абсурд. И безусловный цинизм украинской стороны. Арестович: "В России сложилась такая ситуация, что они вообще могут убить любого пленника, которого мы отдадим. И сказать, что так будет с каждым, кто попадет в плен. Мы несем за это ответственность? Нет! Они могут 10 пленных убить, 200, 2000. Мы не отвечаем за происходящее на территории РФ". После двух интервью пригожин, разумеется, захотел вернуть Нужина - и получил его. В добровольное согласие Нужина на обмен я, извините, не верю. Арестович сказал, что "Нужина могли убить для "инфокартинки", косвенно "толкнув" Украину: "Мол, мы так плохи, что выдали"." (цитата материала BBC). В результате так и вышло: вы испортили свою репутацию.
1
Нина/адказаць/
17.11.2022
Местный,обмен был 45 на 45.
0
Нина/адказаць/
18.11.2022
позорище - это читать рашистские каналы,цинизм не лучше вранья. Да и можно ли верить утверждению, что он добровольно пошел на обмен? Он что, кретин, не понимающий, что его ждет?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера