Літва зацікавілася інфармацыяй, што Юрый Чыж зарабіў шмат грошай праз чорныя схемы разам з літоўскім партнёрам
Літва ініцыюе праверку па факце з расследавання журналістаў, што Юрый Чыж з літоўскім партнёрам зарабілі больш за 5 мільярдаў даляраў у Беларусі, прадаючы нафтапрадукты пад выглядам растваральнікаў, піша Беларускі расследавальніцкі цэнтр.
Два тыдні таму Беларускі расследавальніцкі цэнтр апублікаваў расследаванне аб тым, як калісьці галоўны «кашалёк» Лукашэнкі Юрый Чыж разам са сваім літоўскім партнёрам Вітальдам Тамашэўскім зарабілі мільярды на танных расійскіх нафтапрадуктах, прадаючы іх пад выглядам растваральнікаў.
Цяпер стала вядома, што інфармацыю з расследавання перададуць у службу расследавання фінансавых злачынстваў і ў Дэпартамент дзяржаўнай бяспекі Літвы.
«Апублікаванае журналісцкае расследаванне выклікае сур'ёзную трывогу, паколькі яно раскрывае схему вялізнага аб'ёму, у цэнтры якой знаходзяцца так званыя «кашалькі» беларускага рэжыму, а разам з імі працуюць і грамадзяне Літвы», — сказаў кіраўнік Камітэта нацбяспекі і абароны літоўскага парламента Лаўрынас Кашчунас.
Чытайце таксама:
Як Чыж і яго таемны літоўскі партнёр зарабілі мільярды на хітрай нафтавай схеме
