Знайсці
29.11.2022 / 22:59

Ці зможаце вы знайсці матулін торт?

«Не чапай — гэта на свята!» Ці часта вам даводзілася чуць такое, калі вы хацелі пачаставацца смакоццем, якое прыгатавала маці? Прапануем успомніць падчас вырашэння гэтай вясёлай, але няпростай задачы.

Задача

За тыдзень да Новага года маці ўжо прыгатавала торт, які вам вельмі хочацца пакаштаваць (так, ён настолькі выдатны, што можа захоўвацца так доўга). 

Ёсць пяць скрыняў у рад, і торт хаваецца ў адной з гэтых скрыняў. Кожную ноч матуля перамяшчае торт у суседнюю скрынку злева ці справа. І кожную раніцу ў вас ёсць час зазірнуць толькі ў адну скрыню, каб паспрабаваць знайсці ласунак. Вам трэба знайсці торт за тыдзень, бо вы гарэза і не можаце чакаць ажно да свята.

Падказка

Калі вы проста правяраеце адну скрынку ў дзень, пачынаючы з 1 і заканчваючы 5 запар, вы можаце не знайсці торт. Ён можа быць у скрынцы 3, калі вы правяраеце нумар 2 — а на наступны дзень перамясціцца ў скрынку 2, у той час як вы будзеце правяраць скрынку 3. Таксама вы не зможаце ўвесь час правяраць і адну і тую ж скрынку, бо няўлоўны торт увесь час можа перамяшчацца — напрыклад, толькі між дзвюма скрынкамі, якія вы не правяраеце. Вам патрэбны план, які гарантуе, што вы знойдзеце торт.

Рашэнне (у адрозненне ад торта) можаце знайсці пад фота.

Фота: Pixabay

Рашэнне

Выпадковы пошук не гарантуе перамогі. Не будзе працаваць ні праверка кожнай скрынкі, ні праверка адной і той жа скрынкі зноў і зноў. Тут нам прыйдзецца зрабіць некаторыя здагадкі. Напрыклад, чыста тэарэтычна выкажам здагадку, што торт знаходзіцца ў скрынцы з цотнымі нумарамі, гэта значыць альбо ў 2, альбо ў 4.

Дапусцім, вы правяраеце нумар 2. (Калі вы знойдзеце торт адразу, то вы перамаглі і жыццё цудоўнае, прынамсі, пакуль мама не пабачыць, што адзін кавалак з’едзены.) Калі ў скрыні 2 торта няма, то вы ведаеце, што ён мусіць быць у скрынцы 4 (зноў жа, гэта заснавана на першапачатковым дапушчэнні пра цотныя нумары).

Калі торт знаходзіўся ў 4-й скрыні ў першы дзень, тады на наступны ён павінен быў перамясціцца альбо ў 3-ю, альбо ў 5-ю. Такім чынам, на другі дзень праверце нумар 3. Калі яго ізноў там няма, то ён павінен хавацца ў 5-й скрынцы. Гэта значыць, што на трэці дзень торт ізноў перамесціцца ў скрынку 4, дзе вы яго і знойдзеце.

Прыведзены вышэй сцэнар — праверка скрынак 2, 3 і затым 4 — заўсёды дазволіць вам выйграваць, калі выказаць здагадку, што мама пачала гульню з цотнай скрынкі. Але, вядома, гэта можа быць не так. Зараз давайце паглядзім на сцэнар, калі гульня пачалася з няцотнай скрынкі.

Калі торт знаходзіцца ў скрыні 1, 3 або 5, то на другі дзень ён павінен перамясціцца ў скрыню 2 або 4. На трэці дзень ён перамесціцца назад у скрыню 1, 3 або 5. І на чацвёрты дзень торт зноў мусіць апынуцца альбо ў 2-й, альбо ў 4-й скрыні.

Цяпер вы можаце адчуць, што мы выявілі нешта важнае: калі спачатку торт быў у скрынцы з няцотнымі нумарамі, то ў пачатку чацвёртага дня ён мае быць у скрыні з цотнымі нумарамі. Цяпер мы павінны аб'яднаць два сцэнары.

З першага прыкладу мы памятаем, што, калі вы правяраеце нумары 2, потым 3, а затым 4, вы знойдзеце прыз, калі ён першапачаткова хаваўся пад цотным нумарам. Дапусцім, вы правяраеце 2, 3 і 4 у першыя тры дні і не знаходзіце нічога. Гэта азначае, што першапачаткова торт хаваўся пад няцотным нумарам. І таксама гэта азначае, што ў пачатку чацвёртага дня ён павінен быць у полі з цотнымі нумарамі. Такім чынам, на чацвёрты дзень, калі вы не знайшлі нічога, вы паўтараеце працэс, таму што вы ведаеце, што цяпер торт мае пачаць падарожжа з цотнай скрынкі.

Такім чынам, вось рашэнне: праверце скрынку 2 у першы дзень, затым 3 на другі дзень і потым 4 на трэці дзень. Калі торт быў у цотнай скрынцы, вы гарантавана знойдзеце яго ў адзін з першых трох дзён. Калі не знойдзеце, то проста паўтарыце працэдуру: праверце скрынку 2 на чацвёрты дзень, потым скрынку 3 на пяты дзень і, нарэшце, нумар 4 на шосты дзень. Нягледзячы ні на што, вы знойдзеце ласунак.

Дзень атрымаўся, торт, як звычайна, — непераўзыдзены, а маці моцна не злуецца, бо любіць вас.

***

Загадка перароблена з задання ў Popular Mechanic.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
снежань студзень люты
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31