25 лістапада — прэзентацыя фільма пра падзеі 2019-2022 гадоў пад неверагодны DJ-set
У пятніцу 25 лістапада, у 19:00 у Беларускім моладзевым хабе ў Варшаве адбудзецца прэзентацыя праекта Inner Rave — cучаснае мастацтва — відэаінсталяцыя пад DJ-set. Будзе паказаны фільм пра падзеі 2019-2022 гадоў.
ІNNER RAVE — унікальная відэапрэзентацыя, якая будзе транслявацца на 3 вялікіх дысплэях пад жывы DJ-Set. Дысплэі — як сімвал экранаў нашых мабільных тэлефонаў, у якіх інфармацыя пра ўсё наша жыццё, галерэя успамінаў, фатаграфій, адносін з сябрамі і сям'ёй.
З 2019 па 2022 гады адбылося шмат знакавых для беларусаў падзей: пандэмія каранавіруса, выбары 2020 года ў Беларусі і іх наступствы, вайна ва Украіне 2022.
Інфармацыя і навіны з нашага тэлефона сталі трыгернай кропкай. Мы іх чыталі, мы іх баяліся, яны шакіравалі і выклікалі шквал пачуццяў.
Гэта гісторыя пра тое, як падзеі гэтага перыяду змянілі жыццё велізарнай колькасці людзей у творчай сферы Беларусі.
Культура стала адным з рухавікоў інтэлектуальных, палітычных працэсаў і пераўтварэнняў.
Дата прэзентацыі: 25 лістапада (пятніца)
Час: 19.00
Месца: Беларускі Моладзевы Хаб (Варшава, plac Konstytucji 6)
