У Мінску затрымалі візавага махляра. Ён падмануў на 1100 рублёў
Супрацоўнікі крымінальнага вышуку Савецкага РУУС Мінска затрымалі мінчука, які пад выглядам дапамогі адкрыць візу ўзяў у дзяўчыны 1100 рублёў і перастаў выходзіць на сувязь, піша «Міліцыя Мінска».
Пасля размовы на сайце знаёмстваў 30-гадовы мужчына прапанаваў новай сяброўцы дапамагчы ў адкрыцці візы. Ён прадставіўся былым спартсменам і паабяцаў праз старыя сувязі аформіць дакументы ў трохдзённы тэрмін. Першапачаткова мінчук запытаў за паслугу 200 даляраў, аднак пазней кошт павялічыўся.
Калі сяброўка перавяла фігуранту 1100 рублёў, ён знік. Жанчына звярнулася ў міліцыю.
Напярэдадні мінчанін быў прызнаны падазраваным у крадзяжы маёмасці ў дзяўчыны, з якой пазнаёміўся на сайце знаёмстваў.
Заведзена крымінальная справа.
Каментары
Каб пакінуць каментар, калі ласка, актывуйце JavaScript у наладах свайго браўзера
«Для папулярызацыі каштоўных металаў». У Егіпце паставілі банкамат, які замест грошай выдае залатыя зліткі
«Сёння Еўропе патрэбная бяспека ад Расіі і супраць Расіі, а не з Расіяй». Міністры замежных спраў краін Балтыі не будуць удзельнічаць у пасяджэнні АБСЕ
4
Каб скарыстацца календаром, калі ласка, актывуйце JavaScript у наладах свайго браўзера