Знайсці
25.11.2022 / 22:412РусŁacБел

Лебедзі не адляцелі ў вырай? Гэта нармальна

Тое, што некаторыя лебедзі застаюцца на зімоўку, — нармальна. Для птушак не гэтак страшны холад, як голад. Лебядзіны пух добра бароніць ад марозу, лапы і дзюбы ў птушак не мерзнуць, а ад голаду дапамагае яшчэ і тоўсты слой тлушчу, піша тэлеграм-канал «Дзікая прырода побач».

Фота Іны Субоцінай

З пачатку ХХІ стагоддзя зімы ў Беларусі галоўным чынам мяккія і маласнежныя. Але ў любую зіму птушкі лёгка могуць знайсці вадаём з адкрытай вадой ці пакарміцца ў палях. Пры патрэбе лебедзі могуць пералятаць за дзень нават на сотні кіламетраў! 

Падкормліваць лебедзяў і іншых вадаплаўных птушак варта толькі тады, калі некалькі дзён трымаецца мароз —15 градусаў і ніжэй. Можна пачаставаць іх аўсянымі шматкамі, насыпаць уздоўж берага каля вады (або лепш на мелкаводдзі) ячменю ці пшаніцы, даць ім дробна парэзанай свежай гародніны (морква, буракі, капуста). Але не трэба даваць птушкам хлеб і батон.

Калі моцных маразоў няма, ніякай падкормкі не патрэбна. Яны самі знойдуць падводную расліннасць ці паляцяць карміцца ў палі.

Для эканоміі энергіі лебедзі ў маразы мала рухаюцца. Такія паводзіны нармальныя і не азначаюць, што птушка хворая ці мерзне. Не трэба спрабаваць прагнаць птушку ці прымусіць яе рухацца: так яна будзе марнаваць каштоўную энергію і атрымае лішні стрэс. Тым больш не спрабуй злавіць птушку: ударам крыла лебедзь можа зламаць чалавеку руку.

Дапамога патрэбна толькі тым аслаблым птушкам, якія спрабуюць, але не могуць зрушыцца з месца, а таксама птушкам, у якіх відаць пашкоджанні: напрыклад, птушка кульгае, валачэ крыло ці праглынула кручок, і ў яе з дзюбы вісіць лёска.

Каб выратаваць такую птушку, трэба паведаміць пра яе ў тэрытарыяльныя органы Мінпрыроды, Міністэрства па надзвычайных сітуацыях.

Чытайце таксама:

Пад Мінскам заўважылі чайку-бургамістра. Гэта другая рэгістрацыя віду ў Беларусі

«Найлепшы адпачынак — кубак кавы з відам на баброў». Вучоны-біёлаг адкрыў аграсядзібу ў лесе з ручнымі ваўкамі і выдрай

У Талачынскім раёне заўважылі вельмі рэдкую саву-бярозаўку

У Радашковічах уратавалі лебедзя, які ўрэзаўся ў лінію электраперадач

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
паважаю/адказаць/
25.11.2022
"Тым больш не спрабуй злавіць птушку: ударам крыла лебедзь можа зламаць чалавеку руку."

ого
0
свалачкова/адказаць/
25.11.2022
готовятся... танцевать
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера