Знайсці
27.11.2022 / 16:59

У «Сілічах» і «Лагойску» адкрылі зімовы сезон. Колькі каштуе пракаціцца?

Якія цэны на гарналыжных курортах недалёка ад Мінска? На адкрыцці сезона пабываў «Анлайнер».

«Сілічы»

Учора «Сілічы» ўрачыста адкрылі тры схілы: першы, трэці і навучальны.

Дыскамфорту ад цэн лыжнікі не адчуваюць, хоць і папярэджваюць, што на начны сеанс народу будзе больш: так танней. Чэргаў у касы і за абмундзіраваннем няма. Паркоўка пакуль яшчэ не перагружаная.

Закладны кошт скі-паса — 10 рублёў. Вярнуць гэтыя грошы можна ў аўтаматах, размешчаных у пункце пракату. Начныя катанні з дзесяці вечара да двух ночы абыдуцца ў 30 рублёў. Гадзіна катання ў будні каштуе 15 рублёў, дзве — 25, тры — 30. У выхадныя і святочныя дні цэны павышаюцца, а калі параўноўваць іх з мінулым годам — бачны рост у рубель—два.

Наогул, катацца на схіле зусім не абавязкова, ёсць процьма іншых заняткаў: лазні, спартзалы, рэстараны, катэджны гарадок, тралейная траса (на жаль, не працуе). Дадалося фуд-кортаў і мангалаў з шашлыком. Цэны на ежу стабільныя і не адрозніваюцца ад сталічных.

«Увесь гарналыжны сезон мы падзялілі на 3 падсезоны ў адпаведнасці з загрузкай: у нізкі сезон (да 23 снежня) цэны на пражыванне застаюцца ранейшымі, але свабодных нумароў з кожным днём усё менш. У перыяд калядных святаў цэны самыя высокія, а ўжо ў студзені, калі ўсе трасы адкрытыя і рэжым працы стабілізаваны, цэны зафіксуюць на сярэднім узроўні», — распавядаюць супрацоўнікі комплексу.

Гарналыжны камплект і камплект для сноўборда на гадзіну каштуюць 15 рублёў, на дзень — 30. Шлем абыдзецца ў 3 рублі за гадзіну выкарыстання (без яго на схіл не пусцяць).

«Лагойск»

Тут таксама дадзены папярэдні старт. Цалкам заснежаныя вучэбная і чацвёртая трасы.

Працуюць пункты пракату лыж і сноўбордаў. На комплексе ўжо практыкуюць начныя заезды, якія доўжацца да 2-й ночы.

Набыць скі-пас можна ў цэнтральнай касе, каля пункта пракату горных лыж. Таксама для наведвальнікаў адкрытыя дзверы рэстарана, натопленыя лазні, падрыхтаваныя нумары і домікі для пражывання. Усё толькі-толькі пачынаецца, і працягнецца гэта лыжная весялосць да красавіка, калі гэтыя ж экстрэмалы збяруцца на «Каліфарняку» — касцюмаваным заездзе са скачкамі ў ваду, які азначае закрыццё сезона.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
снежань студзень люты
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31