Знайсці
28.11.2022 / 13:18 2

У арганізме Саакашвілі выявілі мыш'як

Медыцынскія аналізы экс-прэзідэнта Грузіі Міхаіла Саакашвілі, які знаходзіцца ў турме, паказалі ўтрыманне мыш'яку ў яго арганізме. Пра гэта паведаміў адвакат Шалва Хачапурыдзэ, паведамляе тэлеканал Мtavari.

Фота: Irakli Gedenidze / Pool Photo via AP

«Мы пакуль не атрымлівалі аналізаў пазногцяў, яны прыйдуць сёння, але па тэлефоне высветлілася, што ў выніку даследавання было выяўлена яшчэ адно [атрутнае] рэчыва — мыш'як», — сказаў адвакат.

У панядзелак Саакашвілі ўпершыню за доўгі час будзе прысутнічаць на пасяджэнні суда па справе аб незаконным перасячэнні мяжы, распавёў адвакат. Пры гэтым былы прэзідэнт, па словах Хачапурыдзэ, знаходзіцца ў цяжкім стане, для яго перамяшчэння спатрэбіцца спецыяльнае крэсла. «Для таго, каб мы не станавіліся прычынай зрыву судовага працэсу, яго пераносу, ён вырашыў, што сёння з'явіцца на працэс», — адзначыў адвакат.

Раней маці Саакашвілі Гіулі Аласанія і адвакат Валеры Гелбахіані паведамілі аб яго магчымым атручванні цяжкімі металамі, у тым ліку ртуццю. Па іх словах, пра гэта сведчыць медыцынскае заключэнне няўрадавай арганізацыі «Эмпатыя», якое яшчэ не было апублікавана і рыхтуецца для падачы замежным экспертам. Пры гэтым грузінскія ўлады заклікаюць «ўстрымацца ад заўчасных высноў» пра магчымае атручэнне былога прэзідэнта.

Палітыка абвінавачваюць у растраце дзяржаўных сродкаў на асабістыя патрэбы. Саакашвілі ўсе абвінавачванні адмаўляе. Паводле яго, падчас зняволення ў яго развіліся цяжкія захворванні. Адвакаты і прыхільнікі Саакашвілі патрабуюць накіраваць яго на лячэнне за мяжу. Яго затрымалі 1 кастрычніка 2021 года, калі палітык вярнуўся ў Грузію.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Анёлак / адказаць
28.11.2022
Думаю, "грузінская мара" здольная на атручэньне, бо Саакашвілі яны ненавідзяць да мозгу касьцей.
1
Жж / адказаць
28.11.2022
Грузінская Газпрамаўская група на чале з Іванішвілі труціць моцнага апанента. Газпром і яго структуры - зло, бо яны павольна атручваюць краіны.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28