Знайсці
29.11.2022 / 17:271РусŁacБел

Затрымалі генеральнага дырэктара кампаніі Belwooddoors

Звязаныя з сілавікамі каналы паведамляюць пра затрыманне генеральнага дырэктара кампаніі Belwooddoors Віталя Васілевіча. Прычынай затрымання называюць тое, што ён нібыта не пусціў супрацоўнікаў міліцыі на прадпрыемства.

Віталь Васілевіч. Фота: сацсеткі

Віталю Васілевічу 49 гадоў, ён заснавальнік і генеральны дырэктар кампаніі «Беллесвыраб» (Belwooddoors). У 1996 годзе ён скончыў Мінскі медыцынскі інстытут, але выбраў іншы шлях.

Ён заснаваў кампанію як сапраўдны стартап — у 1999 годзе пачаў вырабляць дзверы на невялікай арандаванай плошчы, выраблялася тады каля 10 штук на месяц. На сёння кампанія вырабіла больш за 2,5 мільёна дзвярэй і з'яўляецца адной з самых вялікіх вытворчых кампаній у Беларусі, мае прадстаўніцтвы ў Азіі і ЗША, а ў кампаніі працуе больш за 400 чалавек.

Таксама Васілевіч будаваў у Мінску 16-павярховы бізнэс-цэнтр «Тытул», які знаходзіцца каля вакзала, на вуліцы Талстога. 

Да нядаўнага часу ён быў у фаворы — назва ягонай кампаніі была на стэндзе гонару Заводскага раёна г. Мінска, а кампанія ўдзельнічала ў процьме афіцыйных конкурсаў ды імпрэз.

Віталь Васілевіч. Фота: сацсеткі

Гісторыя, якую распавядаюць сілавікі, вельмі цьмяная. На вытворчасць прыехала міліцыя, але гендырэктар нібыта адмовіўся іх упускаць без суправаджэння працаўніка фірмы. За гэта яго затрымалі па адміністрацыйнай справе.

У яго тэлефоне знайшлі фота з удзелам яго з жонкай у пратэстах 16 і 23 жніўня 2020 года і незарэгістраваную зброю (на фота яна не выглядае як агнястрэльная). За гэта на яго пагражаюць завесці крымінальную справу.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
Генрих/адказаць/
30.11.2022
Украинцам этого не понять. Они до войны были в первых рядах за Сашу и буквально пели оды и дифирамбы, попутно помогая обойти все санкции и проблемы с бизнесками. Просьбы беларусов про остановку помощи диктатору они не слышали. Зато сейчас любого белоруса готовы сравнять с землей. Братишки Каричи мыли денег в таких потоках, что вам не представить, что странно - и сейчас моют, то есть война им не помешала.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031