Знайсці
30.11.2022 / 20:07

У Беластоку прэзентавалі кнігу «Лука — партрэт мінулага»

«Лука — партрэт мінулага» — такі назоў мае кніжка, выдадзеная аб’яднаннем «Лука над Нарвай — выратаваць ад забыцця». Выданне прысвечанае гісторыі праваслаўнай вёскі Лука на Беласточчыне — адной з вёсак, якая ў канцы 70-х гадоў мінулага стагоддзя была ліквідаваная ў сувязі з пабудовай вадасховішча Семяноўка, паведамляе Радыё Рацыя.

Аўтар кніжкі — Лукаш Бірыцкі, бацька якога родам з Лукі, амаль дзесяць гадоў збіраў матэрыялы для манаграфіі. А ўсё пачалося з генеалогіі сям’і.

«З самага пачатку цікавіла мяне выключна генеалогія маёй сям’і, якая родам з вёскі Лука. Пасля даведаўся, што была таксама і вёска Семяноўка. І пры нагодзе наведвання архіваў я пачаў збіраць дадакова інфармацыю пра вёску Лука. І пасля нейкага часу я пабачыў, што сабралася так многа звестак, што шкада было б, каб яны недзе прапалі. Я тады палічыў, што можа трэба напісаць кніжку, манаграфію вёскі. І так узнікла кніжка», — расказвае аўтар.

Жыхароў Лукі ў канцы 1970-х гадоў перасялілі ў іншыя мясцовасці, сярод іншага ўзнікла вёска Новая Лука. Частка вёскі апынулася пад вадасховішчам, а астатнія землі былі забраныя дзяржавай.

Некалькі дзясяткаў гадоў нашчадкі лучан змагаюцца праз суд за вяртанне адабраных у іх зямельных участкаў, не залітых водамі вадасховішча. Дзеля гэтага, між іншым, і было створана аб’яднанне «Лука над Нарвай — выратаваць ад забыцця».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28