Знайсці
01.12.2022 / 21:36 11

Ціханоўская на Кіеўскім форуме па бяспецы: Імперыя павінна быць разбураная. Мы павінны разбурыць гэтую турму — разам

Лідар беларускіх дэмакратычных сіл Святлана Ціханоўская 1 снежня выступіла ў відэафармаце на міжнародным Кіеўскім форуме бяспекі. У сказанай па-беларуску прамове, прэзентаванай як праграмная, яна запэўніла ўкраінцаў у падтрымцы іх суверэнітэту, выказала ўпэўненасць, што толькі дэмакратычная Беларусь здолее надаць гарантыі бяспекі Украіне, і расказала пра беларускія ініцыятывы, арганізаваныя з пачатку вайны.

«У нашых размовах з украінскімі палітыкамі, дыпламатамі, экспертамі, журналістамі ўсе пагаджаюцца з тым, што падкантрольная імперыялістычнаму Крамлю Беларусь будзе крыніцай пагрозы для вольнай Украіны.

Таму ёсць яснасць у тым, што Украіна зацікаўленая ў тым, каб Беларусь была дэмакратычнай. Без вызвалення Беларусі ад двух дыктатараў Украіна застанецца пад пагрозай рэваншызму імперыі. Толькі дэмакратычная Беларусь здолее надаць гарантыі бяспекі Украіне.

Менавіта праз удзел Лукашэнкі распачалася гэтая агрэсія. Без доступу да Кіева з тэрыторыі Беларусі гэтая вайна не пачалася б увогуле ці выглядала б зусім па-іншаму.

А значыць, вывад Беларусі з вайны стане тым фактарам, які зробіць немагчымым яе працяг для Расіі. Таму нам так крытычна важна дзейнічаць супраць дыктатараў-агрэсараў разам.

Мы ўжо зараз шмат узаемадзейнічаем з украінскімі ўладамі па вырашэнні практычных пытанняў: інфармацыйны абмен, каардынацыя дзеянняў па барацьбе з прапагандай, вырашэнне праблем, з якімі сутыкнуліся беларусы, якія засталіся ва Украіне пасля пачатку вайны.

Я перакананая, што разам урад Украіны і дэмакратычная Беларусь змогуць дамагчыся большага праз каардынацыю, узгадненне, спалучэнне нашых рэсурсаў. Мы стварылі Аб'яднаны Пераходны Кабінет Беларусі — галоўны выканаўчы орган, чыёй галоўнай задачай сёння з'яўляецца абарона незалежнасці нашай краіны і аднаўленне суверэнітэту.

Болей за тое,

наша супрацоўніцтва над сённяшняй павесткай павінна развіцца ў поўнафарматнае партнёрства пасля перамогі над двума дыктатарскімі рэжымамі. Калі адносіны Беларусі і Украіны не будуць замыкацца толькі на гандлі і інвестыцыях, але будуць заходзіць і ў сферу рэгіянальнай бяспекі, міжнароднай палітыкі і абароны.

Імперыя павінна быць разбураная. Мы павінны разбурыць гэтую турму — разам», — такім быў асноўны змест прамовы Святланы Ціханоўскай.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Волат / адказаць
02.12.2022
Мінак, уважліва чытайце, спадар непаважаны, і не трэба маніпуляцый.
Яна ставіць нейкі тэлеграм-канал вышэй за жыцьці нашых людзей, якія ваююць ва Ўкраіне.
Нам няважна, у склад ВСУ яны ўваходзяць ці не - яны кладуць свае жыцьці за Ўкраіну і Беларусь.
"Офіс Ціханоўскай" у такой жа логіцы - гэта літоўская структура. І ад яе падарожжаў і нібыта "прызнаньняў" нам у Беларусі ні горача, ні халодна.
А вось нашых хлапцоў з ПКК мы чакаем!
1
лана камуч / адказаць
03.12.2022
ЯйцаФаберже, новы пастановачны жэст вывучыла рукамівадзяцельніца. ну хоць нешта вывучыла за 2,5 гады..)
1
нал чумак / адказаць
03.12.2022
"лана камуч" - чытаць наадварот. але філолухам-рукамівадзяцелам тое не зразумець. і гэта добра )
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28