Знайсці
02.12.2022 / 20:431РусŁacБел

Найлепшыя песні года: вось каго слухаў свет у 2022-м

Стрымінгавы сэрвіс Spotify падвёў вынікі 2022 года і назваў самых папулярных артыстаў, найлепшыя песні і альбомы. Вось каго часцей за ўсё слухалі і рэпосцілі карыстальнікі сэрвісу.

Bad Bunny. Фота: Evan Agostini / Invision / AP

Артысты, якіх найбольш слухалі

На першым месцы апынуўся пуэртарыканскі рэпер, спявак, аўтар песень і акцёр Bad Bunny. Для яго гэта ўжо трэцяе запар лідарства ў рэйтынгу. Былы спявак дзіцячага царкоўнага хору, пуэртарыканец атрымаў свой псеўданім, калі ў маленстве яго прымусілі апрануць у школу касцюм зайчыка і сфатаграфавалі з сярдзітым выразам твару (Bad Bunny перакладаецца як «дрэнны трусік»). Ён яркі выканаўца песень у лацінаамерыканскім стылі рэгетон, а таксама неблагі рэстлер.

Bad Bunny не застаецца абыякавым да грамадскіх праблем: ён адкрыта крытыкаваў адсутнасць гуманітарнай дапамогі пасля ўрагану «Марыя», што моцна разбурыў Пуэрта-Рыка, выступаў супраць закрыцця школ на радзіме і адкрыцця ўсё большай колькасці турмаў, падтрымлівае правы ЛГБТ.

Разам з Bad Bunny ў топ увайшла і поп-спявачка Тэйлар Свіфт. Яна стала не толькі другой самай папулярнай артысткай у свеце, але і скарыла топ-спісы ў Аўстраліі, Брытаніі, Ірландыі, Малайзіі, на Філіпінах, у Новай Зеландыі, у Катары, Славеніі і Сінгапуры. Вы можаце ведаць Тэйлар па яе ранейшых хітах накшталт Love Story, Shake It Off I Blank Space, але і сёння амерыканка не расслабляецца: яе новы альбом Midnights, што выйшаў 21 кастрычніка, адразу ж пабіў рэкорды сервісаў Spotify i Apple Music па праслухоўваннях за суткі.

Гэты рэліз, поўны песень па аўтабіяграфічных матывах, расказвае пра яе страхі і нянавісць да сябе, развагі пра карму і помсту, а таксама розныя этапы рамантычных адносін. Дыск стартаваў з продажаў у 1 578 000 экзэмпляраў, што стала адным з найлепшых вынікаў у гісторыі альбомнага чарта краіны Billboard 200.

Канадскі рэпер Drake бярэ бронзу ў спісе Spotify. Гэты хлопец дабіваецца поспеху не толькі ў музыцы, але і ў прадзюсарскай працы і ў бізнэсе — праўда, яму зусім не шанцуе са стаўкамі на спорт. Ёсць нават «праклён Дрэйка»: кажуць, што калі рэпер ставіць грошы на нейкую спартовую падзею і піша пра гэта ў сацсетках, лепш зрабіць супрацьлеглую стаўку ці ўвогуле не рызыкаваць грашыма, і нават калі рэпер сфатаграфуецца са спартоўцам да бою ці матча, той, напэўна, прайграе. Колькасць грошай, якія канадзец згубіў на стаўках, налічвае мільёны даляраў.

На чацвёртым месцы ў спісе Spotify знаходзіцца яшчэ адзін канадзец — спявак і прадзюсар The Weeknd. Вы маглі чуць яго песні Earned It, The Hills, Can’t Feel My Face i Starboy. Эйбел Тэсфае — так на самай справе зваць выканаўцу — адметны сваёй стылістыкай, што адсылае да вобразаў Майкла Джэксана, Прынса і R.Kelly.

Замыкае пяцёрку лідар карэйскай поп-сцэны, гурт BTS. Гэта самыя прадаваныя паўднёвакарэйскія артысты, якія атрымалі сусветнае прызнанне ў 2017 годзе. Цяпер, аднак, BTS не выступаюць: у 2022 годзе гурт абвясціў пра перапынак у кар’еры дзеля службы ў арміі, але абяцае вярнуцца да актыўнасці прыкладна ў 2025 годзе.

Самыя вірусныя артысты

Сэрвіс склаў асобны рэйтынг з выканаўцаў, чые трэкі часцей за ўсё выкладваліся на платформах праз Spotify. Тут лідзіруе Тэйлар Свіфт — усё дзякуючы яе апошняму рэлізу Midnights. На другім месцы The Weeknd, на трэцім — Bad Bunny, чацвёртае месца займае BTS.

А вось на пятым радку размясцілася Лана дэль Рэй, культавая спявачка і выканаўца хітоў Born to Die i Summertime Sadness. У кастрычніку Лана запісала ў сааўтарстве з Тэйлар Свіфт вялікі хіт Snow on the Beach, які дэбютаваў на чацвёртым месцы ў Billboard Hot 100, а ў наступным годзе спявачка плануе выпусціць новы альбом. Некалькі месяцаў таму дэль Рэй перажыла вялікі стрэс: з яе машыны скралі яе ноўтбук, цвёрдыя дыскі, тры відэакамеры і 200-старонкавы рукапіс будучай паэтычнай кнігі.

Найлепшыя песні 2022 года

Гэты спіс узначальвае брытанец Гары Стайлз, былы ўдзельнік вядомага бойз-бэнда One Direction, і яго трэк As It Was. На другім месцы суайчыннікі Стайлза — індзі-рок-гурт Glass Animals з кампазіцыяй Heat Waves, што выконвае псіхадэлічны поп. Іх «срэбраны» трэк з’явіўся яшчэ ў 2020 годзе, але ж чамусьці стрэліў толькі сёлета.

Трэцяя па папулярнасці песня года — STAY ад аўстралійскага рэпера The Kid LAROI, запісаная разам з Джасцінам Біберам. Аўстралійцу ўсяго 19 гадоў, і свой першы альбом ён прэзентаваў два гады таму, так што вялікай колькасцю хітоў пакуль пахваліцца не можа. Трэк STAY, што вывеў хлопца ў топы Spotify, таксама сем разоў быў на вяршыні тыднёвага рэйтынга песень Billboard Top 100.

Чацвёртае і пятае месца займаюць трэкі ад Bad Bunny — адпаведна Me Porto Bonito (запісаны разам з Chencho Corleone) і Tití Me Pregunto.

Найлепшыя альбомы

Найпапулярнейшым аказаўся дыск Un Verano Sin Ti ад Bad Bunny. Таксама ў топе зноў апынуўся Гары Стайлз — гэтым разам ён на другім месцы з рэлізам Harry’s House. Бронза ў амерыканскай акцёркі (а цяпер яшчэ і спявачкі) Алівіі Радрыга з дэбютным рэлізам Sour.

Брытанец Эд Шыран і яго альбом з інтрыгоўнай назвай «=» узяў чацвёртае месца рэйтынга — вы дакладна чулі яго песні Shape of You i Perfect. Пятай стала амерыканская рэперка Doja Cat і яе пласцінка Planet Her. Гэта канцэптуальная пласцінка пра выдуманую планету, створаную самой спявачкай, дзе ўсе касмічныя віды і расы жывуць у гармоніі.

«Наша Нiва» — бастыён беларушчыны

ПАДТРЫМАЦЬ

Спявачка Sia размясціла ролік, на якім пара танцуе на мінскім праспекце Незалежнасці 

Песня Tor Band «Мы не народзец» стала настолькі народнай, што пад яе запісваюць тыктокі нават лукашэнкаўцы ВІДЭА

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
філіжанка/адказаць/
02.12.2022
А каго найбольш слухалі беларусы?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера