Знайсці
02.12.2022 / 19:14

Брытанскі інстытут кінематаграфіі назваў найлепшы фільм усіх часоў

Брытанскі інстытут кінематаграфіі (BFI) назваў найлепшы фільм усіх часоў. Гэта стужка бельгійскай рэжысёркі Шанталь Акерман «Жана Дзільман, набярэжная Камерцыі 23, Брусель 1080». Упершыню ў дзясятку найлепшых фільмаў рэйтынга трапіла стужка, якую зняла жанчына.

Постар да фільма 1975 года

Апытанне, якое ладзяць кожнае дзесяцігоддзе, крытыкавалі за недахоп разнастайнасці. Пераможнае месца на працягу 40 гадоў утрымліваў «Грамадзянін Кейн» Орсана Уэлса. Толькі ў 2012 годзе яго абагнаў фільм Альфрэда Хічкока «Галавакружэнне».

Стужка «Жанна Дзільман», выпушчаная ў 1975 годзе, расказвае гісторыю бельгійскай удавы, якая становіцца сэкс-работніцай, каб звесці канцы з канцамі, але забівае аднаго са сваіх кліентаў. Фільм доўжыцца амаль тры з паловай гадзіны.

Хоць стужка Акерман не так вядомая за межамі свету кінакрытыкі, як папярэднія пераможцы, яе прызналі «шэдэўрам» і наватарскім фемінісцкім творам. 

Кінакрытык і пісьменніца Ліліян Кроўфард, якая ўдзельнічала ў апытанні, сказала, што фільм з'яўляецца «праграмным тэкстам» фемінісцкага кіно.

Шанталь Акерман памерла ў 2015 годзе ва ўзросце 65 гадоў.

Шанталь Акерман

Апытанне праводзіцца часопісам Брытанскага кінаінстытута Sight and Sound штогод з 1952 года. У мінулым яго крытыкавалі за адсутнасць разнастайнасці ў апытанні экспертаў і ў рэйтынгу 100 найлепшых фільмаў. З гадамі BFI павялічыў колькасць і разнастайнасць кансультантаў, якія складаюць рэйтынг.

Сёлета 1639 крытыкаў, дырэктараў праграм фестываляў, куратараў, супрацоўнікаў архіваў і навукоўцаў папрасілі выбраць дзясятку найлепшых стужак. Пераможца мінулага года, стужка «Галавакружэнне» Хічкока, заняла другое месца, пасунуўшы «Грамадзяніна Кейна» на трэцяе. На чацвёртым месцы апынулася «Такійская гісторыя» Ясудзіра Озу, а на пятым — «Любоўны настрой» Вонга Карвая.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28