Знайсці
03.12.2022 / 23:421РусŁacБел

«Маліцеся за караля». Пеле ў бальніцы ў цяжкім стане

Трохразовы чэмпіён свету і адзін з найвялікшых футбалістаў у гісторыі Пеле знаходзіцца ў бальніцы ў цяжкім стане. Словы падтрымкі яму пішуць ва ўсім свеце, піша BBC.

Фота: АР

82-гадовы Пеле, якому год таму выдалілі пухліну, быў шпіталізаваны ў Сан-Паўлу ў аўторак, тады паведамлялася, што гэта быў звычайны штомесячны візіт.

На мінулым тыдні ў Пеле дыягнаставалі рэспіраторную інфекцыю, і ў пятніцу бальніца Альберта Эйнштэйна ў Сан-Паўлу паведаміла, што яго стан стабільны.

Фота: АР

Аднак, па паведамленнях з Бразіліі ад 3 снежня, якія не былі належным чынам пацверджаны «Бі-бі-сі», Пеле больш не рэагуе на хіміятэрапію і знаходзіцца пры смерці.

Словы падтрымкі вялікаму футбалісту ідуць з усяго свету.

«Маліцеся за караля», — напісаў нападаючы зборнай Францыі, адна з зорак цяперашняга чэмпіянату свету Кіліян Мбапе.

Трохразоваму пераможцу чэмпіянату свету ў верасні 2021 года выдалілі пухліну з тоўстай кішкі, і з таго часу ён рэгулярна праходзіў лячэнне.

Выступаючы ў суботу, капітан зборнай Англіі Гары Кейн сказаў: «Нам вельмі сумна чуць навіны аб яго хваробе, але мы жадаем яму здароўя, не толькі я, але і ўся зборная Англіі. Ён натхняе, неверагодны чалавек».

Краіна-гаспадыня чэмпіянату свету па футболе Катар прадэманстравала сваю падтрымку Пеле ў суботу, асвятліўшы будынкі надпісам «Папраўляйся хутчэй».

Стадыён «Лусаі» ў горадзе Доха, дзе 18 снежня пройдзе фінал чэмпіянату свету, і вежа «Аспайр» побач са стадыёнам «Халіфа» былі ўпрыгожаны фатаграфіямі Пеле ў яго знакамітай футболцы з нумарам 10.

Фота: АР

Пеле (яго сапраўднае імя Эдсан Арантас ду Насіменту) да гэтага часу зʼяўляецца найлепшым бамбардзірам зборнай Бразіліі за ўсю гісторыю. «Сантас», адзіны бразільскі клуб, за які ён гуляў, напісаў у твітары: «Увесь свет жадае вам усяго найлепшага, кароль Пеле».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
04.12.2022
беларусы моляцца за ,,, сукалу))
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера