Знайсці
06.12.2022 / 09:54

Болтан збіраецца ў прэзідэнты. Ён тры гады таму прыязджаў у Мінск

Джон Болтан паведаміў, што вылучыць сваю кандыдатуру, калі Рэспубліканская партыя не адкіне Трампа, які ўжо заявіў пра ўдзел у выбарах. Болтан зрабіў заяву пасля слоў Трампа аб скасаванні артыкулаў Канстытуцыі.

Экс-дарадца былога прэзідэнта ЗША Дональда Трампа па нацыянальнай бяспецы Джон Болтан паведаміў у твітары аб гатоўнасці вылучыць сваю кандыдатуру на пасаду прэзідэнта ЗША ў 2024 годзе.

«Калі вы кідаеце выклік самой Канстытуцыі, [як гэта зрабіў Трамп], гэта не па-амерыканску. Калі цяперашнія кандыдаты ў прэзідэнты ад Рэспубліканскай партыі не адкінуць Трампа, то я гатовы ўзяць удзел у гонцы», — напісаў ён.

Да твіта ён прымацаваў відэа эфіру тэлеканала NBC, дзе кажа аб тым, што, на яго думку, прыкладна 59% выбаршчыкаў не лічыць Трампа больш важным, чым Канстытуцыя. NBC адзначае, што сваю заяву Болтан зрабіў пасля таго, як Трамп 3 снежня ў сваёй сацсетцы Truth дапусціў скасаванне артыкулаў Асноўнага закона.

Politico піша, што ў допісе, які Трамп у выніку выдаліў, гаворка ішла пра «махлярства» на мінулых прэзідэнцкіх выбарах у 2020 годзе, калі Трамп быў кандыдатам. «Масавае махлярства такога тыпу і маштабу дапускае спыненне дзеяння ўсіх правілаў, палажэнняў і артыкулаў, нават тых, якія ўтрымліваюцца ў Канстытуцыі», — пісаў Трамп.

Болтан займаў пасаду дарадцы пры Трампе з красавіка 2018 года па верасень 2019 года. Прэзідэнт ЗША звольніў дарадцу праз разыходжанне ў поглядах наконт перамоваў з талібамі і Кітаем.

У канцы жніўня 2019 года Болтан прыязджаў у Мінск, дзе сустракаўся з Лукашэнкам. Так, былі такія часы досыць нядаўна.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2022 2023 2024
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28